Mɩnla Nyilalɛ Yɛ Ɩwɔ Ɛkɛnɩ Ɩma Mmenii Mɔɔ Betiye Nyamɩnlɩ Nɩ a?

Bokodunwo mmenii sʋ̃maa mɔɔ bowu yɩ nɩ be bɛkɛɣa azɩlɛ yɩ zʋ ebiyekʋ̃. Dwɔɔnʋ 11:25

Mɔ́ dwɩnɩdwɩnɩ eɣile be nyilalɛ mɔɔ ekenyia nɩ nwʋ sɛ etiye Gyehova a! Ekenyia pɔkɔdɩlɛ mɔɔ idi munli; abiyela yɩ nwʋ lɛ́payɩ anzɛnyɩɩ ɩlɛ́yɛ mɛlɛkɛ ebiyekʋ̃. Tanɩyɛlɛmaa sʋ̃ béni ɛkɛnɩ, na sa ɔkʋla ede abiyela di.

Ɛyɛkɛ, ozunɛ nɩɩ anyɩnlɩ tʋ mʋnlɩ íni ɛkɛnɩ ebiyekʋ̃. Abiyela ɩlɛ́yɛ alɩɣa na yelówu sʋ̃.

Ɔhɔnwʋmmɔ nɩɩ mmusunwamaa nkʋ̃ʋ̃ la yɛ bokodua wʋ nwʋ bekeyiyia a. Ɛbɩlawɔlɛ wɔ Paladayɩsɩ yɩ nɩ ɩkɛyɛ fɛlɛkʋ̃ baaba.

Abiyela ikunlu ilótuli dɩyɛ bela nwʋ. Sɛ́ mmenii anyɩ de baaba paa.

Nyamɩnlɩ Bulombunlililɛ yɩ nɩ ɩbɛayɩ atɩɩtɩɩ munwatĩĩ wɔ ɛkɛnɩ. Yikile 21:3, 4