Ɔfʋã 8 Yɩ Anyunumiyɩlɛ

Yehowa hyiraa Solomon na ɔmaa no nyansa bebree. Afei ɔmaa no sii asɔrefie no, nanso nkakrankakra Solomon gyaee Yehowa akyi di. Sɛ woyɛ ɔwofo a, kyerɛkyerɛ wo mma ma wɔnhu sɛnea abosonsomfo daadaa Solomon ma ogyaee Onyankopɔn akyi di. Wɔkyɛɛ ahenni no mu mmienu, na ahemfo bɔne maa ɔman no gyaee Yehowa som kɔsom abosom. Saa bere no nyinaa, wɔtaa Yehowa adiyifo pii a wɔdi nokware no, na wɔkum wɔn. Ɔhemmaa Yesebel maa wɔn a wɔwɔ atifi fam ahemman mu no gyaee Onyankopɔn som koraa. Saa bere no, na nneɛma nkɔ yiye koraa wɔ Israel. Nanso, na Israelfo no mu pii da so ara di Yehowa nokware. Wɔn mu bi ne Ɔhene Yehosafat ne odiyifo Elia.