DƖYƐZUMANLƐ 16

Ɛzɩzɩbɛhyɛlɛ Nɩɩ Anyunumihɔlɛ

Ɛhɛlɛlɛ odwokɔ mɔɔ bɔhwɩ̃ adwɩnɩ beziye zʋ

Dwoobu 16:5

MƆ ƖSƐ KƐƐ ƐYƐ: Fá wʋ adwɩnɩ siye nninyeni mɔɔ ɩkɛma wʋ ediyelɛmaa nɩ bekenyia anyunumihɔlɛ nɩɩ ɛzɩzɩbɛhyɛlɛ wɔ bɔ bʋwabɩlɛ nu nɩ zʋ, na kɛ mɔɔ ikogolɔ bɛ abɔkɔ a.

KEZIMƆ ƐKƐYƐ YƖ:

Nyiá wʋ ediyelɛmaa nɩ bɔ nwʋ adwɩnɩba. Nyiá wʋ mmeliyema dedimaa nɩ bo nu anwʋlazʋ kɛɛ bɛpɛ kɛɛ bɔsɔ Gyehova yɩ anyɩ. Sɛ nwʋmɔ ba hyinyia kɛɛ okodu fʋlɔ be po a, ɔzʋ̃ wʋ ahʋnlɩnɩ nu di bɔmʋnlɩ kamvʋ bɛ.

Áma ɛtɩndɛ wɔ ɛya zʋ, mfomi ɔzʋ̃ ɔlɔlɛ nu tɩndɛ. Má wʋ anyunu ɩyɛ ɛzɩlɩkɛ ɛzɩlɩkɛ na ama wʋ ediyelɛmaa nɩ bɛadɩ nɣanlɩ kɛɛ ɛtɩ bɔ bʋwabɩlɛ nɩ tʋ.
Tɩ́ ndwokɔ mɔɔ ikolɔ abɔkɔ nɩ zʋ. Fá ndwokɔ mɔ ikolɔ abɔkɔ di egyima wɔ mmɩlɩ mɔ ikeli bʋtayɩ titili be nwʋ egyima la. Má wʋ egyimalilɛ yɩ munwala ɩhyɛ ɛzɩzɩbɛ.
Fá Nyamɩnlɩ yɩ Odwokɔ nɩ di egyima bʋwɔ. Twɩ̃ adwɩnɩ siye mɔɔ Gyehova ɩyɛ, mɔɔ ɩyɛɛ, nɩɩ mɔɔ ɩkɛyɛ ɩkɛma adasamaa nɩ zʋ. Má wʋ ediyelɛmaa nɩ benyia anyɩnlɩlazʋ nɩɩ ɛzɩzɩbɛhyɛlɛ.