Mmɔdɩnɩ Mɔɔ Bɔbɔ Botwu Ahʋnlɩnɩ Nu

Ɛɣɛlɛwulɛ 3:1

MƆ ƖSƐ KƐƐ ƐYƐ: Bʋwá wʋ ediyelɛmaa nɩ ma behile mɔɔ bozuma nɩ nwʋ anyɩnlɩzɔlɛ na bɛva beli egyima.

KEZIMƆ ƐKƐYƐ YƖ:

• Bʋwá wʋ ediyelɛmaa nɩ ma bɛbɩbɛlɩ bo nu. Biziá ndwokɔ mɔ iáhyinyia munwalɩyɛ fa bʋwa wʋ ediyelɛmaa nɩ ma bɛva bɛbɩbɛlɩ kezimɔ bɛtɩ nɣanlɩ nɩ nu.

• Hyɛ́ bɛ ɛzɩzɩbɛ ma benyia adwɩnɩba. Bʋwá wʋ ediyelɛmaa nɩ ma bɛbɩbɛlɩ sianti mɔɔ bɛda nyɛlɩyɛ baaba ali nɩ nu. Bʋwá bɛ ma benyia adwɩnɩba dɩkɛɛ​—ɔlɔlɛ mɔɔ bekenyia bɛkɛma Gyehova, bɔ ɔhɔnwʋ enii, nɩɩ mɔɔ Bayɩbʋlʋ yɩ ikilehile nɩ. Áma ɔpʋlʋ ndwokɔ kua bɔ zʋ, mfomi ɛ nɩɩ wʋ ediyelɛmaa nɩ bozunzu ndwokɔ nwʋ. Kɛ ankɩ ɛkɛhã odwokɔ be ma bɛ anyɩ ɩkɔdʋ̃ nɩ, má wʋ egyimalilɛ yɩ awielɩyɛ nɩ ɩhyɛ bɛ ɛzɩzɩbɛ ma bɛyɛ mɔ bɔkɔhʋla.

• Twɩ̃ adwɩnɩ siye Gyehova zʋ. Kilé kezimɔ Bayɩbʋlʋ nu ehilehilelɛ, yɩ egyinalɛzʋ-ndwokɔ, nɩɩ yɩ ɔhʋanɩhilelɛ nɩ ɩda Nyamɩnlɩ yɩ subanɩ nɩɩ yɩ ɔlɔlɛ mɔɔ ɩwɔ ɩma yɛ nɩ ali. Hyɛ́ wʋ ediyelɛmaa nɩ ɛzɩzɩbɛ ma bɔdwɩnɩndwɩnɩ kezimɔ ­Gyehova ɩtɩ nɣanlɩ nɩ nwʋ na benyia ɛpɛ kɛɛ bɔkɔzɔ yɩ anyɩ.