Kã Nninyeni Mɔɔ Bɛ Anyɩ Keleli Nwʋ

Mɔɔ Gyisɛsɩ Yɛlɩ

VIDIYO: Gyisɛsɩ Nɩɩ Baalɛ Yɩ Wɔ Bula Yɩ Zʋ

1. Kila VIDIYO yi, anzɛnyɩɩ kɩnga Dwɔɔnʋ 4:​6-9. Akʋ̃ bozunzu ndwokɔɣizialɛ mɔɔ ilili ɔzʋlɔ yɩ nwʋ:

1. Mɩnla yɛ Gyisɛsɩ nwʋnlɩ wɔ baalɛ yɩ nwʋ ansaana ɩbɔɔ nkɔmmɔwɔlɛ yɩ tʋ a?

2. Gyisɛsɩ hanlɩ kɛɛ: “Ma nzulo nɩ be mɩ ma mʋnlʋ.” Mɩnla ti mɔɔ nɩ eyi dɩ ɔhʋanɩba mɔɔ boduwa ɔzʋlɔ bɔbɔ nkɔmmɔwɔlɛ tʋ a?

Mɩnla Yɛ Yesuma Wɔ Gyisɛsɩ Kɛnɩ a?

2. Sɛ yɛfa odwokɔ mɔɔ ye ediyelɛmaa bɛ anyɩ deli nwʋmɔ yɛbɔ nkɔmmɔwɔlɛ tʋ a, ɩkɛma bɛ anyɩ keleli nkɔmmɔwɔlɛ nɩ nwʋ paa.

Sumazuma Gyisɛsɩ

3. Danɩdanɩ wʋ ndwokɔ nu. Sɛ eziyeziye wʋ nwʋ kɛɛ ɛkɛva odwokɔ pɔkyɩɩ be ekeli egyima a, iáhile kɛɛ kyɩngyɩ̃ɩ̃ la mɛyɩ la yɛ ɩsɛ kɛɛ ɛkã a, mfomi fa odwokɔ mɔɔ wʋ ediyelɛmaa yɩ nɩ bɔdwɩnɩndwɩnɩɩ nwʋ wɔ eɣile yi nu nɩ bɔ yɩ tʋ. Bizia wʋ nwʋ kɛɛ:

1. ‘Mɩnla yɛ bɛkãã nwʋmɔ odwokɔ paa a?’

2. ‘Mɩnla yɛ mɩ apaa yɩ nu maa, bɛzabɛ mɔɔ mɩ nɩɩ bɛ yɛ egyima, anzɛnyɩɩ mu sukuulumaa bɛkãã nwʋmɔ odwokɔ a?’

4. Fá wʋ anyɩ tiã azɩ. Bizia wʋ nwʋ kɛɛ:

1. ‘Mɩnla yɛ enii nɩ igua ɔzʋlɔ ɩyɛɛ a? Mɩnla yɛ ebiye a, ɩdwɩnɩndwɩnɩɩ nwʋmɔ a?’

2. ‘Mɩnla yɛ yɩ atalɩ, kezimɔ ɩdɩ, anzɛnyɩɩ yɩ awudo ɩma mʋnwʋ mɩfalɩ yi dedi anzɛnyɩɩ yɩ amamu nwʋ a?’

3. ‘Asʋ̃ ɩkɛyɛ baaba kɛɛ mɩ nɩɩ yɩ kɛdɩndɛ wɔ ɔzɔ mmɩlɩ yɩ nu a?’

5. Tiye yi.

1. Áma ɛtɩndɛ sʋ̃maa.

2. Ma ɩyɛ mɛlɛkɛ ɩma yɩ kɛɛ ɩkɛhã mɔɔ ɩwɔ yɩ adwɩnɩ nu. Sɛ ɩkɛyɛ bʋwɔ a, fa ndwokɔɣizialɛ di egyima.