Áma Ɛpɩlɩ Wʋ Nwʋ Tɩndɛ

Mɔɔ Fɩlɩpɩ Yɛlɩ

VIDIYO: Fɩlɩpɩ Lili Yitiyopiyianii Nɩ Dasɩlɛ

1. Kila VIDIYO yi, anzɛnyɩɩ kɩnga Egyima 8:​30, 31. Na akʋ̃ bozunzu ndwokɔɣizialɛ mɔɔ ilili ɔzʋlɔ yɩ nwʋ:

1. Kɛ Fɩlɩpɩ wɔlɩ nkɔmmɔwɔlɛ yɩ tʋ zeli a?

2. Mɩnla ti mɔɔ nɩ eyi dɩ ɔhʋanɩba mɔɔ iluwalɩ zʋlɔ ɩwɔlɩ nkɔmmɔwɔlɛ tʋ na ihilehileli benyia yɩ dɩyɛ fʋlɔ a?

Mɩnla Yɛ Yesuma Wɔ Fɩlɩpɩ Kɛnɩ a?

2. Sɛ yɛápɩlɩ yɛ nwʋ kɛɛ yekeli dasɩlɛ a, ebiye a, ɩkɛma ɩkɛyɛ mɛlɛkɛ kɛɛ ikediye yɛ.

Sumazuma Fɩlɩpɩ

3. Fa wʋ anyɩ tiã azɩ. Kezimɔ abiye kegyina, yɩ nyɛlɩyɛ nɩɩ kezimɔ ɩkɛyɛ yɩ anyunu nɩ kɛma ɔkɔnwʋ sʋ̃maa kɛvalɩ yɩ nwʋ. Asʋ̃ ɩpɛ kɛɛ ɩ nɩɩ wʋ tɩndɛ a? Sa ɔkʋla ɛfa odwokɔɣizialɛ be dɩkɛɛ, “Asʋ̃ ezi kɛɛ . . . ?” ɔbɔ Bayɩbʋlʋ nu nkɔmmɔwɔlɛ tʋ. Sɛ abiye ɩábɛ kɛɛ ɛ nɩɩ yɩ kɔwɔ nkɔmmɔ a, áma ɛhyɛ yɩ.

4. Nyia abʋtalɩ. Áma ɛtɩ nɣanlɩ kɛɛ ɩsɛ kɛɛ ɛfa Bayɩbʋlʋ nu odwokɔ bɔ nkɔmmɔwɔlɛ tʋ. Dɩkɛ, na di yi dasɩlɛ wɔ mmɩlɩba nu. Itwu mmɩlɩ be po a, ikehyinyia kɛɛ ɛdɩkɛ eɣile fʋlɔ ansaana ɛ nɩɩ yɩ ɩawɔ Bayɩbʋlʋ nu nkɔmmɔ.

5. Sɩnza wu ndwokɔ nu. Ebiye a, ɩkɔwɔ yɩ tʋ ɩkɛhã ndwokɔ be mɔɔ wʋáhila yɩ ɔhʋanɩ. Meti siyeziye wʋ nwʋ kɛɛ ɛ nɩɩ yɩ kɛhyɛ debe mɔɔ ikenyia ɔzʋlɔ mfasʋ. Sɛ mɛyɩ kehyinyia kɛɛ ɛkɛzɩnza mɔɔ eziyeziye wʋ nwʋ daada kɛɛ ɛkɛhã yi nu po a, yɛ yɩ ɔzɔ.