MMƖLƖ MƆ ƐKƐYƐƐ SIAKEHILA
OZUMALƐDƖYƐ 8
Nyia Abʋtalɩ
Egyinalɛzʋ-odwokɔ: “Ɔlɔlɛ ɩdɩ abʋtalɩ.”—1 Kɔl. 13:4.
Mɔɔ Gyisɛsɩ Yɛlɩ
1. Kila VIDIYO yi, anzɛnyɩɩ kɩnga Dwɔɔnʋ 7:3-5 nɩɩ 1 Kɔlɛntɩmaa 15:3, 4, 7. Akʋ̃ bozunzu ndwokɔɣizialɛ mɔɔ ilili zʋlɔ yɩ nwʋ:
Ahyɛasɩ yɩ, kɛ Gyisɛsɩ yɩ mmenlima yɩ yɛlɩ bɛ dɩyɛ wɔ yɩ ndwokɔ yɩ nwʋ zeli a?
Mɩnla yɛ ikile kɛɛ Gyisɛsɩ hɔlɩ ɔzʋlɔ wʋwalɩ yɩ anlima Gyemisi a?
Mɩnla Yɛ Yesuma Wɔ Gyisɛsɩ Kɛnɩ a?
2. Ɩsɛ kɛɛ yenyia abʋtalɩ iluwakɛɛ ide mmɩlɩ ansaana abiyemmɔ bɛale odwokɔba nɩ bɛadiã nu.
Sumazuma Gyisɛsɩ
3. Twé ahʋanɩ mvʋlɔ kila. Sɛ abiye iáde Bayɩbʋlʋ dɩyɛzumanlɛ itiã numɔ ndɛndɛ zʋ a, máhyɛ yɩ. Wɔ mmɩlɩba nu nɩ, fa vidiyo anzɛnyɩɩ ndwokɔ mɔɔ ɩwɔ yɛ awuuku yi be nu nɩ bʋwa yɩ ma ɩnwʋ kezimɔ yɛyɛ Bayɩbʋlʋ dɩyɛzumanlɛ nɩɩ kezimɔ ikenyia ɔzʋlɔ mfasʋ.
4. Áma ɛfa yɩ tindiã mmenii mvʋlɔ nwʋ. Ɩsʋnɩ abiyela. Sɛ wu busunwanii anzɛnyɩɩ abiye mɔɔ ɛta ɛ nɩɩ yɩ bɔ Bayɩbʋlʋ nu nkɔmmɔ nɩ twɩnhwɩ̃ yɩ agyia azɩ kɛɛ ikozuma Bayɩbʋlʋ yɩ anzɛnyɩɩ ikele Bayɩbʋlʋ yɩ ehilehilelɛ be ikediã numɔ a, sunzu sianti mɔɔ ɩábɛ kɛɛ ide itiã numɔ nɩ nwʋ. Asʋ̃ yɩ ɔzʋ̃mɩnlɛ nu ehilehilelɛ be wɔ kɛnɩ mɔɔ nwʋmɔ hyinyia yɩ paa a? Asʋ̃ yɩ mmusunwamaa anzɛnyɩɩ yɩ apaa yɩ nu maa yɛ bɛhyɛɛ yɩ a? Ma mmɩlɩ yɩ ma ɩva ɩdwɩnɩndwɩnɩ mɔɔ bozunzu nwʋmɔ nɩ nwʋ na ɩnwʋ mfasʋ mɔɔ ɩwɔ mɔɔ Bayɩbʋlʋ kã nɩ zʋ.
5. Kakɛ yɩ wɔ mpayɩwɔlɛ nu. Siã Gyehova ma ɩwʋwa wʋ ma ɔhɔ zʋlɔ enyia yɩ nwʋ adwɩnɩba na ɩma wʋ anyɩ ɩla kɛ. Bɔ mpayɩ siã Gyehova kɛɛ ɩwʋwa wʋ ma ɔnwʋ mmɩlɩ mɔ ɩsɛ kɛɛ eyiaki abiye mɔɔ yɩ anyɩ iáleli odwokɔ yɩ nwʋ yɩ kɛnɩ hɔlɛ.—1 Kɔl. 9:26.