Ma Mmenii Nwʋ Hyinyia Wʋ

Mɔɔ Gyisɛsɩ Yɛlɩ

VIDIYO: Mmenii Sʋ̃maa Nɩ Nwʋ Yɛlɩ Gyisɛsɩ Alɔbɔ

1. Kila VIDIYO yi, anzɛnyɩɩ kɩnga Maakɩ 6:​30-34. Akʋ̃ bozunzu ndwokɔɣizialɛ mɔɔ ilili ɔzʋlɔ yɩ nwʋ:

1. Mɩnla ti mɔɔ nɩ Gyisɛsɩ nɩɩ yɩ adʋwavʋlɔ nɩ pɛ kɛɛ bɔkɔ bowula “dɩka be mɔɔ nɩ ɛkɛnɩ yɛ kɔnwʋʋ” a?

2. Mɩnla yɛ ɩhanlɩ Gyisɛsɩ ma ihilehileli mmenii sʋ̃maa nɩ a?

Mɩnla Yɛ Yesuma Wɔ Gyisɛsɩ Kɛnɩ a?

2. Yɛ bʋtayɩ yɛ lɛ kɛɛ yɛkɛhã odwokɔba nɩ yekehile mmenii dɩyɛ, naasʋ̃ yɛpɛ kɛɛ yɛbʋwa bɛ.

Sumazuma Gyisɛsɩ

3. Yɛ azʋnlɩ tiye yi bʋwɔ. Ma ɔhʋanɩ yɩ ma ɩhã kezimɔ ɩtɩ nɣanlɩ nɩ nwʋ odwokɔ. Áma otualɩ yi munwa zʋ anzɛnyɩɩ ɔbɔ yɩ odwokɔ yɩ kua mmɩlɩ mɔ ɩkãã kezimɔ ɩtɩ nɣanlɩ, yɩ ɔhawʋ anzɛnyɩɩ ikilee kɛɛ ɩ nɩɩ wʋ ɩáyɛ adwɩnɩ wɔ debe nwʋ nɩ. Sɛ ɛyɛ azʋnlɩ tiye yi bʋwɔ a, nɩ ɛma ɩkɔnwʋ kɛɛ ɔdwɩnɩ yɩ nwʋ.

4. Ma yɩ nwʋ adwɩnɩ ɩwʋwa wu ti nu. Kyina bɔ nkɔmmɔwɔlɛ yɩ zʋ na bizia wʋ nwʋ kɛɛ:

1. ‘Mɩnla ti mɔɔ ɩsɛ kɛɛ ɩnwʋ nɔhʋanlɛ yɩ a?’

2. ‘Mɩnla ɔhʋanɩ zʋ yɛ Bayɩbʋlʋ mɔɔ ikozuma nɩ kɔwʋwa yɩ nnɛ na ianyia eɣile be baaba a?’

5. Kã nninyeni mɔɔ ɩkɔhʋla ɩkɔwʋwa yɩ nɩ nwʋ odwokɔ. Kã kezimɔ Bayɩbʋlʋ dɩyɛzumanlɛ kɔhʋla kɛma ikenyia yɩ ndwokɔɣizialɛ nwʋ munwalɩyɛ na ɩawʋwa yɩ nwʋ odwokɔ kile yi ndɛndɛ zʋ la.