Pɔɔlʋ Iluwalɩ Ngyemvile Zʋ Ɩhɔlɩ Wulomi

27:23, 24; 28:1, 2, 16, 17

Pɔɔlʋ ɩhɔlɩ ɔzʋlɔ ɩhanlɩ yi dedi nwʋ odwokɔ ɩávalɩ nwʋmɔ kɛɛ nɩ ɩdɩ pilizianii nɩ. Mɔ nɩ ɩwɔ ɛlɛnɩ nɩ nu nɩ, ilili numɔ egyimayɛlɛmaa nɩɩ numɔ maa nɩ dasɩlɛ. Bɛ ɛlɛnɩ nɩ ɩwʋwɔlɩ wɔ Mɔlta yɩ mɛda po nɩ, yede yedi kɛɛ ɩvalɩ nwʋmɔ ɔhʋanɩ nɩ ɩhanlɩ odwokɔba nɩ ihileli bɛzabɛ mɔɔ ɩzalɩ bɛ adimakɛlɛ nɩ. Ilili aɣile asã pɛ wɔ Wulomi nɩ, ɩvʋlɔlɩ Dwuumaa mbanimbani nɩ ilili bɛ dasɩlɛ. Alʋbɔ anwɩ̃ mɔɔ bɛhyɩlɩ yɩ na sogyianii ɩwɩɛnɩɩ yɩ wɔ Pɔɔlʋ yɩ awudo nɩ, nɩ idi mmenii mɔɔ nɩ bɛba bekyela yɩ nɩ dasɩlɛ.

Mɩnla yɛ ɔkɔhʋla ɛkɛyɛ na wʋahã odwokɔba nɩ ɩávalɩ ɔnwʋmɔ bʋwabɩlɛ bela mɔɔ ebiye a ɔwɔ numɔ nɩ a?