Mɩnla Yɛ Ɔkɔhʋla Okozuma Wɔ Ndwomi Mɔɔ Íni Ye Ndwomi Buuku Nu Nɩ a?

Ndwomi mɔɔ íni ye ndwomi buuku nu nɩ, numɔ ɛhɩnla dɩyɛ yɛ wʋ anyɩ ideli nwʋmɔ paa a? Mɩnla ti a? Asʋ̃ ɛyɛ yɩ ndwɩ̃ kɛɛ vidiyo yi nu ndwokɔ yɩ ɩfalɩ ye eɣile bela ɛbɩlawɔlɛ nwʋ a? Sɛ ekila ndwomi adile azʋlɔtʋ nɩ nɩɩ kezimɔ bɛhyɩhyɛ ndwomi nɩ a, ɔkʋla ɔnwʋ yɩ kɛɛ abiyela yɩ nwʋ zʋ dɩyɛ wɔ nu. Naasʋ̃, yɛáva ɔzɔ ndwomi yi nɩɩ nwʋmɔ vidiyo nɩ yedide yɛ anyɩ la.

Ndwomi mɔɔ íni ye ndwomi buuku nu nɩ, numɔ bela ikile yɛ ozumalɛdɩyɛ azʋlɔtʋ mɔɔ yɛkɔhʋla yɛkɛva yɛkɔwɔ yɛ ɛbɩla wɔ yɛ Kilisinyianɩ ɛbɩlawɔlɛ nɩɩ dasɩlɛlilɛ nu. Ndwomi yi be wɔ ɛkɛnɩ mɔɔ igyĩ ngyɛvʋlɔlelɛ, ɔkʋ̃yɛlɛ, ɔhɔnwʋvalɛ, akɛnɣazɩzɩbɛ, ɔlɔlɛ, anzɛnyɩɩ dedi zʋ. Ebiye sʋ̃ ɩfalɩ kezimɔ ɩsɛ kɛɛ abiye isia ɩba Gyehova yɩ pɛ, tanɩfakyɛ mɔɔ yɛkɛla yɩ ali, ye munlililɛ mɔɔ yɛkɔzɔ numɔ, nɩɩ sunzuma ɔfʋã nu bʋtayɩ azʋlɔtʋ mɔɔ yɛkɛva yekeziyeziye yɛ anyɩ zʋ nɩ nwʋ. Ndwomi yi nɩ be wɔ ɛkɛnɩ po mɔɔ ɩfalɩ kezimɔ yɛkɛva foonu yekeli egyima bʋwɔ. Mɩnla ozumalɛdɩyɛ fʋlɔ yɛ enyia wɔ ndwomi mɔɔ íni ye ndwomi buuku nu nɩ nu a?

KILÁ NDWOMI MƆƆ ÍNI YE NDWOMI BUUKU NU NƖ NWƲ VIDIYO MƆƆ ISE ƖBAƔA NUMƆ NƖ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla eɣile be nwʋ nyilalɛ yɛ nɩ agyiahʋnlɩmaa mbanimbani nɩ bɔdwɩnɩɩ nwʋmɔ yɩ a?—Gyn 12:3

• Mɩnla ɔhʋanɩ zʋ yɛ yɛhyɛ ye dedi mɔɔ yɛwɔ wɔ Gyehova nu kɛɛ ɩkɛma yɩ anʋhʋba azʋlɔtʋ ɩkɛɣa nu nɩ ɛzɩzɩbɛ a?

• Mɩnla nkabomi mɔɔ ɩyɛ anyɩnlɩlelɛ yɛ ɩlɛ́kyɛ ɩbaɣa numɔ a?

• Mɩnla ɔhʋanɩ zʋ yɛ Bulombunlililɛ yɩ nwʋ anyɩnlɩlazʋ mɔɔ yɛwɔ nɩ, ɩbʋwa yɛ ma yekyina atɩɩtɩɩ yɩ munwa wɔ nnɛ a?—Wul 8:25