Dɩyɛzumanlɛ Nwʋ Adwɩnɩhilelɛ

Twí “Asafʋ Ndwomi” kua Wu Ti Nu

“Sɛ ɩyɛ na mɩ ɛɣɛɛlɛ bɔ a, Gyehova duwa JW Broadcasting^® ndwomi yɩ zʋ hyɛ mɩ ɛzɩzɩbɛ.”—Lorraine, U.S.A.

Ɔzʋmɩ ɔwɔkɩ munwala, Kilisinyiamaa tʋ ndwomi yɩ Gyehova ayɛlɛ. (Kol. 3:16) Sɛ otwi ndwomi eyimmɔ kua wu ti nu na sɛ éni ndwomi buuku anzɛnyɩɩ foonu po a, sa ɩkʋla ɩbʋwa wʋ. Twé adwɩnɩhilelɛ eyimmɔ kila na ɩkɔwʋwa wʋ ma okohwi ndwomi azʋlɔtʋ nɩ okogua wu ti nu.

• Dɩdagyɩ suma ndwomi yi nu ndwokɔ na tɩ yɩ tʋ bʋwɔ. Sɛ ɛtɩ odwokɔ be tʋ a, ɩyɛ mɛlɛkɛ kɛɛ ɛkɛhakɛ. Sɛ ɔkɔ jw.org zʋ a, ɔkɔnwʋ ye ndwomi azʋlɔtʋ nu ndwokɔ munwala mɔɔ ndwomi mɔɔ íni ye ndwomi buuku yi nu nɩɩ ndwomi mɔɔ bɛyɛ bɛma nnwuakula sʋ̃ kɩnla nwʋ. Sɛ ɔkɔ ɔfʋã mɔɔ ise Awuuku Nɩɩ Nninyeni mvʋlɔ yɩ a, minyiá Ndwomi na ɔkɔnwʋ yɩ wɔ kɛnɩ.

• Kɛlɛ́ numɔ ndwokɔ yɩ kua kɛlɛta zʋ. Sɛ ɛyɛ ɔzɔ a, ɩkɔwʋwa ma ɛkɛhakɛ numɔ ndwokɔ yɩ ndɛndɛ.—Dit. 17:18.

• Tʋ́ ma ivindenli wu munwa. Kɩnga anzɛnyɩɩ tʋ ndwomi yi mbɔmɩ sʋ̃maa.

• Twé wʋ adwɩnɩ kila. Kila kɛɛ ɛkɛhakɛ numɔ ndwokɔ mɔɔ elékila kɛlɛta yɩ zʋ a, owie yi a kila kɛɛ ɔhʋla ɛhakɛlɩ yi munwala a.