Dɩyɛ Mɔɔ Nɩ Ɔnwʋmɔ Ihyinyia Paa Wɔ Ɛdamɛ Aliyia Yi Nu

25:9, 21, 22

Nɩ Alɩka nɩ ɩdɩ dɩyɛ mɔɔ ɔnwʋmɔ ihyinyia paa ma Yizilayamaa nɩ, na nɩ ihyinyia paa sʋ̃ wɔ ɛdamɛ aliyia yi nu. Nɩ mununkumi mɔɔ ɩwɔ kyɛlɩbɩ anwɩ̃ bɛ avinli wɔ ɛbɩdalɛ Alɩka yi ti zʋ nɩ ikile kɛɛ Nyamɩnlɩ ɩwɔ bɛ avinli. Wɔ Ɛbɩdalɛ Eɣile nɩ, ɔsɔfʋ ebani nɩ ɩkɔ Nwanzanwanza Nu Nwanzanwanza dɩka nɩ na ɩkɔ ɩpɩndɩ nantwi nɩɩ ɛzɩkɛ mmegyia wɔ Alɩka yɩ nɩ yɩ anyunu ɩfa ɩpɩda Yizilayamaa nɩ bɛ tanɩ. (Lɛv 16:14, 15) Eyi igyĩ ɛkɛnɩ ɩma kezimɔ Gyisɛsɩ, Ɔsɔfʋ Ebani kezile nɩ, ɩhɔlɩ Gyehova yɩ anyunu wɔ sʋlɔ na ɩhɔ ɩvalɩ kezimɔ yɩ elelɛ afɔlɩ nɩ ɩtʋ bʋlɔ ihileli yi nɩ.—Hib 9:24-26.

Fá ɛhɛlɛlɛ odwokɔ nɩ numɔ ɔkʋ̃ bela pɩbɛ mfasʋ mɔɔ yekenyia iluwa elelɛdɩyɛ nɩ ti:

ƐHƐLƐLƐ ODWOKƆ

• 1Dwɔ 1:8, 9

• Hib 9:13, 14

• Wul 6:23

MFASƲ

• nnwʋanlɩ mɔɔ íni awielɩyɛ nwʋ anyɩnlɩlazʋ

• yɛ tanɩ nwʋ tanɩfakyɛ

• tile ɔwʋwaba baaba

Mɩnla yɛ ɩsɛ kɛɛ yɛyɛ na ama yeanyia nyilalɛ eyimmɔ a?