Biziá Ndwokɔ

Gyehova “anyɩnlɩlelɛ Nyamɩnlɩ nɩ,” ɩpɛ kɛɛ yɛ anyɩ ide wɔ dasɩlɛlilɛ egyima yi nu. (1Tim 1:11, NWT) Yɛ anyɩnlɩlelɛ ɩkɛyɛ kezi wɔ mmɩlɩ mɔ yɛbɔɔ mmɔdɩnɩ kɛɛ yekodu mpʋnɩ wɔ ye ehilehilelɛ nu nɩ. Ndwokɔɣizialɛ ɩkɔhʋla ikodunwo mmenii bɛ anyɩnlɩlelɛ na ɩdɩ ɔhʋanɩba mɔɔ yeduwa zʋ yɛbɔ nkɔmmɔwɔlɛ tʋ. Ndwokɔɣizialɛ ɩbʋwa mmenii ma bosunzu ndwokɔ nwʋ bɔkɔ aɣinzi. (Mt 22:41-45) Sɛ yebizia abiye odwokɔ na yetiye yɩ a, wɔ ɔhʋanɩ be zʋ nɩ, nɩ yɛkãã yekehile yɩ kɛɛ, ‘Wʋ nwʋ ihyinyia mɩ.’ (Gye 1:19) Munwalɩyɛ mɔɔ enii ɔkʋ̃ nɩ ɩkɛva ɩkɛma nɩ, ɩkɔwʋwa yɛ ma yɛkɔnwʋ mɔɔ yɛkɛhã.

KILÁ VIDIYO MƆƆ BƐYƐ YƖ DƖLAMA MƆƆ ISE NYIÁ ANYƖNLƖLELƐ WƆ ADƲWAVƲLƆYƐLƐ EGYIMA YI NU—TÚ MPƲNƖ WƆ WƲ EHILEHILELƐ NU—BIZIÁ NDWOKƆ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla subanɩba azʋlɔtʋ yɛ Jade ɩlalɩ yɩ ali a?

• 

  Mɩnla ɔhʋanɩ zʋ yɛ Anita iluwalɩ ndwokɔɣizialɛ zʋ ɩva ihileli Jade nwʋ anyɩnlɩlelɛ a?

• 

  Anita iluwalɩ ndwokɔɣizialɛ zʋ ɩmanlɩ anyɩnlɩlelɛ mɔɔ Jade ɩwɔ yɩ wɔ odwokɔba yɩ nwʋ ɩyɛlɩ kezile. Kɛ ɩyɛlɩ izeli a?

• 

  Mɩnla ɔhʋanɩ zʋ yɛ Anita iluwalɩ ndwokɔɣizialɛ zʋ ɩwʋwalɩ Jade ma ɩdwɩnɩnlɩ nninyeni nwʋ ɩhɔlɩ aɣinzi a?