Dé Gyehova Yɩ Mmʋwalɩyɛ Tiã Nu Iluwa Mpayɩwɔlɛ Zʋ

Gyehova yɛ ɩma nɔhʋanlɛ mma nɩ ide ndini na inyi wɔ abiye yɩ ahʋnlɩnɩ nu a. (1Kɔl 3:6-9) Meti, sɛ yɛ dasɩlɛlilɛ egyima ɩkɔhɔlɩ ɔzʋlɔ a, ɩsɛ kɛɛ yɛfa yɛ nwʋ yetiã Gyehova zʋ ma ɩbʋwa yɛ nɩɩ yɛ Bayɩbʋlʋ dɩyɛzumanlɛmaa.

Siã Gyehova ma ɩwʋwa bɛ ma begyina nhyɛ munwa na belí dɩyɛ bela mɔɔ ɩkɔhʋla ikezi bɔ ɔzʋ̃mɩnlɛ ɔhʋanɩ nɩ ɩzʋ. (Fɩl 1:9, 10) Kã dɩyɛ pɔkyɩɩ be nwʋ odwokɔ wɔ wʋ mpayɩ nu. Siã Gyehova yi sunzuma nwanzanwanza nɩ ma ihile wʋ nzunzunlɩyɛ nɩɩ wʋ nyɛlɩyɛ ɔhʋanɩ. (Lk 11:13) Kilehilé bɛ ma bɔnwʋ kezimɔ bɔkɔwɔ mpayɩ na hyɛ bɛ ɛzɩzɩbɛ ma bɛyɛ ɔzɔ. Bɔ́ bɛ anlima wɔ mmɩlɩ mɔ wʋzawʋ ɔbɔɔ anzɛnyɩɩ ɛ nɩɩ bɛ bɔɔ mpayɩ nɩ.

KILÁ VIDIYO MƆƆ BƐYƐ YƖ DƖLAMA MƆƆ ISE NYIÁ ANYƖNLƖLELƐ WƆ ADƲWAVƲLƆYƐLƐ EGYIMA YI NU—DÉ GYEHOVA YƖ MMƲWALƖYƐ TIÃ NU—MPAYƖWƆLƐ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla ndwokɔ ɛzɩzɩbɛ yɛ Anita iyiyialɩ mmɩlɩ mɔ ɩ nɩɩ Jade bosumaa dɩyɛ nɩ a?

• Kɛ 1 Kɔlɛntɩmaa 3:6 ɩwʋwalɩ Anita izeli a?

• Mɩnla ɔhʋanɩ zʋ yɛ Anita ilili yɩ ndwokɔ ɛzɩzɩbɛ yɩ zʋ a?