Bʋwá Wʋ Bayɩbʋlʋ Dɩyɛzumanlɛmaa Ma Belí Subanɩ Tanɩ Zʋ Nkunimi

Bɛzabɛ mɔɔ bɛda nyɛlɩyɛba ali nkʋ̃ la yɛ bɔkɔhʋla bɛ nɩɩ Gyehova bekenyia abusunwawɔlɛ mɔɔ numɔ ɩyɛ sɩ a. (1Pit 1:14-16) Sɛ Bayɩbʋlʋ dɩyɛzumanlɛvʋlɔ be idi subanɩ tanɩ zʋ nkunimi a, ikenyia ɔzʋlɔ mfasʋ wɔ yɩ abusunwa, yɩ pɔkɔdɩlɛ nɩɩ yɩ ozukuasɛmɩ nu.

Kilehilé Gyehova yɩ mmɛla, sianti mɔɔ ɩva ɩmanlɩ yɛ nɩɩ mfasʋ mɔɔ yekenyia mmɩlɩ mɔ yelili ɔzʋlɔ nɩ nu kile yi petee. Bʋwá bɛ ma bɔnwʋ kezimɔ bokozunzu nninyeni nwʋ na bɛzabɛ bɛkɛyɛ mɔɔ Gyehova ɩpɛ yɩ. (Ɛfɩ 4:22-24) Hyɛ́ bɛ ɛzɩzɩbɛ ma bɔnwʋ kɛɛ sa Gyehova ɩkʋla ɩbʋwa bɛ ma bedi subanɩ tanɩ mɔɔ ile ndini wɔ bo nu nɩ zʋ. (Fɩl 4:13) Kilehilé bɛ ma bɔnwʋ kɛɛ ɩsɛ kɛɛ bɔbɔ Gyehova mpayɩ mmɩlɩ mɔ dɩyɛ be itwee bɛ ikehila kɛɛ bɛyɛ dɩyɛ tanɩ be nɩ. Bʋwá bɛ ma bɔnwʋ bʋwabɩlɛ azʋlɔtʋ mɔɔ ɩkɔhʋla ɩkɛyɛ sɩ ɩkɛma bɛ kɛɛ bɛkɛyɛ mɔɔ ɩtɩnɣɛ. Bʋwá bɛ ma bɛyɛ dɩyɛ mɔɔ ɩkɛma bekenyia subanɩba tɛla kɛɛ bɛkɛyɛ tanɩ. Iluwa Gyehova yɩ mmʋwalɩyɛ zʋ nɩ, sɛ yɛnwʋ kɛɛ yɛ Bayɩbʋlʋ dɩyɛzumanlɛvʋlɔ ɩyɛɛ nzɩnzanlɩyɛ be a, yɛ anyɩ ikele.

KILÁ VIDIYO MƆƆ BƐYƐ YƖ DƖLAMA MƆƆ ISE BƲWÁ WƲ BAYƖBƲLƲ DƖYƐZUMANLƐMAA MA BELÍ SUBANƖ TANƖ ZƲ NKUNIMI, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla ɔhʋanɩ zʋ yɛ asafʋ nu mbanimbani yi bɛ nɩɩ Anita bɛlalɩ yɩ ali kɛɛ bɔwɔ Jade nu anwʋlazʋ a?

• 

  Kɛ Anita ɩvalɩ mmʋwalɩyɛ fʋlɔ ɩmanlɩ Jade izeli a?

• 

  Mɩnla ɔhʋanɩ zʋ yɛ Jade ɩbɩbɛlɩ Gyehova yɩ mmʋwalɩyɛ a?