KILISINYIAMAA BƐ ƐBƖLAWƆLƐ
Eɣile Bela Bayɩbʋlʋ Ɛɣɩngalɛ Nɩɩ Nɣɛlɛbɛ Mɔɔ Yɛkɛbɩbɛ
Nɣɛlɛbɛ mɔɔ ɩzʋ̃ Nyamɩnlɩ yɩ ɛkɛnɩ nɩ tʋ bʋlɔ dɩkɛɛ anwʋnyia mɔɔ ɩɣɩnta. (Ɛɣɛ 2:1-6) Nɣɛlɛbɛ bʋwa yɛ ma yɛ anyɩ da ɛkɛnɩ na yesizi abɔkɔba. Na ɩbɔ yɛ nwʋ banɩ sʋ̃. Meti, “dɩyɛ mɔɔ nwʋmɔ hyinyia yɛ lɛ nɣɛlɛbɛ.” (Ɛɣɛ 4:5-7) Ihyinyia mmɔdɩnɩwɔlɛ na ama yɛabɩbɛ anwʋnyia mɔɔ ɩɣɩnta wɔ Nyamɩnlɩ yɩ Odwokɔ yɩ nu nɩ. Yɛkɔhʋla yɛkɛyɛ eyi iluwa Bayɩbʋlʋ mɔɔ yɛkɛɣɩnga yɩ “awulohyɩnlɩyɛ nɩɩ awulodwolɩyɛ”—kile kɛɛ eɣile bela. (Dwh 1:8) Yɛ adwɩnɩhilelɛ azʋlɔtʋ be mɔɔ ɩkɔwʋwa yɛ ma yɛkɛɣɩnga Bayɩbʋlʋ yɩ eɣile bela na yɛ anyɩ ialeli nwʋmɔ nɩ ndwɩ̃.
KILÁ VIDIYO MƆƆ ISE MMƖLANTƖYƐ NƖƖ NƔƐDƐKƐ MƆƆ BƆBƆƆ MMƆDƖNƖ KƐƐ BƐ ANYƖ IKELELI NYAMƖNLƖ YƖ ODWOKƆ YƖ NWƲ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:
Mɩnla yɛ ɩmanlɩ ɩyɛlɩ sɩ ɩmanlɩ mmɩlantɩyɛ nɩɩ nɣɛdɛkɛ eyimmɔ kɛɛ bɛkɛɣɩnga Bayɩbʋlʋ yɩ eɣile bela a, na mɩnla yɛ ɩwʋwalɩ bɛ a?
Melanie
Samuel
Celine
Raphaello
MƖ BAYƖBƲLƲ ƐƔƖNGALƐ NWƲ NHYƖHYƐLƖYƐ: