Asʋ̃ Ɛlɛ Bayɩbʋlʋ Ɛɣɩngalɛ Mɔɔ Bɔlʋkɔdʋ Nɩ Edii Egyima Bʋwɔ a?

Mɩnla yɛ lɛ Bayɩbʋlʋ ɛɣɩngalɛ mɔɔ bɔlʋkɔdʋ yɩ a? Ɩdɩ New World Translation Bayɩbʋlʋ yɩ mɔɔ bɛyɛ yɩ fʋlɔ mɔɔ bɔlʋkɔdʋ. Bɔbɔɔ mmɔdɩnɩ kɛɛ bɔkɔlʋkɔdʋ yɩ ngyɩkɩ̃ɩ̃ ngyɩkɩ̃ɩ̃ bɔkɔhɔ ndɛnɩ sʋ̃maa nu. Dɩyɛ ɔkʋ̃ mɔɔ ɩyɛ anyɩnlɩlelɛ wɔ nwʋ yɛ lɛ kɛɛ bɛvalɩ nnɩ azʋlɔtʋ belili egyima, meti sɛ Bayɩbʋlʋ nu enii bela ɩtɩndɛɛ a, ɩsʋnɩ enii mɔɔ bɛma ɩkɩnga. Bɛfa nnɩ nɩɩ nɣanlɩdɩlɛ mɔɔ ɩfata besizi ndwokɔ mɔɔ ɩwɔ Bayɩbʋlʋ nu nɩ zʋ owudo na eyi ma nɔhʋanlɛ mɔɔ ɩwɔ nu nɩ da ali bʋwɔ.

Mɩnla ɔhʋanɩ zʋ yɛ mbiyemmɔ benyiaa Bayɩbʋlʋ ɛɣɩngalɛ mɔɔ bɔlʋkɔdʋ nɩ zʋ mfasʋ a? Bɛzabɛ mɔɔ bɛta betiye Bayɩbʋlʋ ɛɣɩngalɛ mɔɔ bɔlʋkɔdʋ nɩ kã kɛɛ, ɩma bɛtɩ nɣanlɩ kɛɛ nɩ bɔwɔ ɛkɛnɩ po yɛ nɩ ndwokɔ yɩ isizii a. Iluwakɛɛ bɛva nnɩ azʋlɔtʋ beli egyima wɔ nu nɩ ti, ɩma bɔkʋla botua ndwokɔ mɔɔ izizili nwʋ mfonyini bʋwɔ na ɩma benyia mɔɔ bɛkɩnga nɩ nu ntɩyasɩ kezile. (Ɛɣɛ 4:5) Mbiyemmɔ nwʋ yɩ kɛɛ sɛ adwɩnɩndwɩnɩ hyɛ bɔ zʋ na betiye Bayɩbʋlʋ ɛɣɩngalɛ mɔɔ bɔlʋkɔdʋ yɩ nɩ a, ɩma bɛ ahʋnlɩnɩ tɔ bo kunlu.—Ndw 94:19.

Nyamɩnlɩ yɩ odwokɔ mɔɔ bɛkɩnga ma ifinde bo munwa ma yɛtɩ nɩ kʋla nyia tumi kezile wɔ yɛ ɛbɩlawɔlɛ zʋ. (2Mm 34:19-21) Sɛ Bayɩbʋlʋ ɛɣɩngalɛ mɔɔ bɔlʋkɔdʋ yɩ ɔfʋã be anzɛnyɩɩ yi munwala wɔ ndɛnɩ mɔɔ ɛtɩ yɩ tʋ nu a, mɩnla ti mɔɔ wʋava yɛ wʋ nhyɩhyɛlɩyɛ kɛɛ ɛkɛda ekediye wɔ eɣile yi nu a?

KILÁ VIDIYO MƆƆ ISE KEZIMƆ BƐYƐLƖ BAYƖBƲLƲ ƐƔƖNGALƐ MƆƆ BƆLƲKƆDƲ NƖ—VIDIYO YƖ ƆFƲÃ BE, NA AKƲ̃ YƖ ODWOKƆƔIZIALƐ EYI YI MUNWA:

Mɩnla yɛ ɩkã wʋ wɔ kezimɔ bɛyɛ Bayɩbʋlʋ ɛɣɩngalɛ mɔɔ bɔlʋkɔdʋ nɩ nwʋ a?