Kɛ Nyamɩnlɩ Yɩ Odwokɔ Nɩ Ɩtʋ Bʋlɔ Ɩma Wʋ Ise a?

Gyehova Nyamɩnlɩ yɩ adwɩnɩ nɩɩ yɩ odwokɔ yɛ ɩwɔ Bayɩbʋlʋ yi nu a, mɛyɩ yɛ ɩdɩ buuku nwanzanwanza eyi yɩ Ɛhɛlɛlɛvʋlɔ a. (2Pit 1:20, 21) Bayɩbʋlʋ nɩ ɩtwɩ̃ adwɩnɩ isiye Gyehova yi tumililɛ mɔɔ iluwa yɩ Bulombunlililɛ nɩ zʋ ikebigyia yɩ sʋlɔ nɩ zʋ, na eyi ɩma adasamaa nyia anwʋlazʋ kɛɛ ɩlɛ́kyɛ nninyeni nu ɩbayɛ bʋwɔ. Bayɩbʋlʋ nɩ ɩda yɛ sʋlɔ Ɛzɩlɛ Gyehova yɩ subanɩ mɔɔ ɩkã ahʋnlɩnɩ nɩ sʋ̃ ali.—Ndw 86:15.

Ye nu bela wɔ sianti pɔkyɩɩ be ti mɔɔ Bayɩbʋlʋ nɩ ɩtʋ bʋlɔ ma yɩ. Naasʋ̃, yɛda yɩ ali kɛɛ akyɛdɩ sʋnʋnkʋ̃ eyi ɩtʋ bʋlɔ ɩma yɛ ma mɛyɩ ti, yɛyɛ nhyɩhyɛlɩyɛ yɛkɩnga yɩ eɣile bela na yɛfa numɔ odwokɔ nɩ yɛbɔ yɛ ɛbɩla a? Bɛmá yɛva yɛ nyɛlɩyɛ yehile kɛɛ yɛ nɩɩ ndwomidʋlɛvʋlɔ nɩ yɛ adwɩnɩ, ɩhanlɩ kɛɛ: “Kila kezimɔ mʋdɔ wʋ mmɛla!”—Ndw 119:97.

KILÁ VIDIYO MƆƆ ISE NƖ BAYƖBƲLƲ NƖ ƖTƲ BƲLƆ ƖMA BƐ—YƖ ƆFƲÃ BE (WILLIAM TYNDALE), NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla ti mɔɔ William Tyndale ihileli Bayɩbʋlʋ yɩ ɔfʋã be tʋ a?

• Mɩnla ti mɔɔ mmɔdɩnɩ mɔɔ ɩwɔlɩ kɛɛ ikehile Bayɩbʋlʋ yɩ tʋ nɩ ɩyɛ nnwʋánlɩ a?

• Mɩnla ɔhʋanɩ zʋ yɛ bɛvalɩ Tyndale yɩ Bayɩbʋlʋ nɩ bɔhɔlɩ England a?

• Kɛ ɩkɛyɛ na ye nu ɔkʋ̃ bela iahile kɛɛ Nyamɩnlɩ yɩ Odwokɔ nɩ ɩtʋ bʋlɔ ɩma yɩ a?