Dɩyɛzumanlɛ Nwʋ Adwɩnɩhilelɛ
Kezimɔ Ɛkɛva “What’s New” Ekeli Egyima Bʋwɔ
“What’s New” ɔfʋã mɔɔ ɩwɔ JW Library® nɩɩ jw.org zʋ nɩ, ɩma yɛnwʋ ndwokɔ nɩɩ vidiyo mvʋlɔ mɔɔ bɛva bediã ɛkɛ. Kɛ ɛkɛyɛ na wʋaluwa ɔfʋã eyi zʋ wʋanwʋ ndwokɔ anzɛnyɩɩ vidiyo mvʋlɔ mɔɔ ɩɣa nɩ a?
JW Library
Sɛ ndwokɔ anzɛnyɩɩ vidiyo fʋlɔ be ba a, bɛfa betiã dɩka mɔɔ ɩsɛ kɛɛ ɩkɔ ɩda wɔ ndwokɔ mɔɔ ɩba ɩtʋwadʋwa zʋlɔ yɩ tʋ. Na ɔkɔnwʋ kɛɛ ɩɣa ɩla “What’s New” ɔfʋã yɩ nɩ, meti sa ɔkʋla twɩ̃ odwokɔ anzɛnyɩɩ vidiyo fʋlɔ mɔɔ ɩɣa nɩ. Na bɛhyɩhyɛ yɩ wɔ ɔhʋanɩ be zʋ mɔɔ ɔkɔnwʋ mɔɔ ɩɣa fʋlɔ yɩ paa nɩ wɔ sʋlɔ na wʋahʋla wʋaɣɩnga.
Awuuku mɔɔ numɔ ndwokɔ ɩzʋnɩ dɩkɛɛ magezini zɛ yɩ, ebiye a ɔlɔ́kʋla ɛkɛɣɩnga yɩ munwala wɔ mmɩlɩ ɔkʋ̃ nu. Meti, mɔɔ ɩkɛyɛ na wʋanwʋ mɔɔ ogua zʋ ɛkɩngaa na ɛpɩbɛɛ yɩ sʋ̃ a wʋávɛlɩ nɩ, fá mɔɔ ɛkɩngaa nɩ kɩnla Favorites ɔfʋã yɩ nwʋ, na sɛ ɛkɩnga owie a sa ɔkʋla ɛyɩ yɩ kɛ.
JW.ORG
Amanɩyɛwɔlɛ, nkayɩwɔlɛ nɩɩ ndwokɔ be wɔ kɛ a, jw.org wɛbsayɩtɩ yɩ zʋ nkʋ̃ la yɛ bɛfa betiã a, ɩáɣa JW Library yi zʋ. Meti ɩyɛ a, ta kila “What’s New” ɔfʋã yɩ wɔ wɛbsayɩtɩ yɩ zʋ na ama wʋanwʋ ndwokɔ mvʋlɔ mɔɔ ɩɣa nɩ.