Pɩbɛ́ Fʋlɔdulɛ Mɔɔ Ɛkɛva Ɔkɔwɔ Wʋ Ɛbɩla Wɔ JW.ORG Zʋ

Nyamɩnlɩ yɩ Odwokɔ yɩ bʋwa yɛ ma yɛkʋla yekyina ndwokɔzɩzɩbɛ bela mɔɔ yeyiyiaa wɔ awielɩyɛ mmɩlɩ eyi mɔɔ numɔ yɛ sɩ nɩ nu. (2Tim 3:1, 16, 17) Naasʋ̃ ɩyɛ a, yekehyinyia egyinalɛzʋ-ndwokɔ mɔɔ yɛkɛva yekeli odwokɔ pɔkyɩɩ be nwʋ egyima. Kɛ ndianwʋ nɩ, asʋ̃ ɛdɩ ɔwʋvʋlɔ mɔɔ ɛpɩbɛɛ fʋlɔdulɛ mɔɔ ɛkɛva ɛkɛdɩdɩ wʋ nnwuakula a? Ɛdɩ abɩlantɩyɛ anzɛnyɩɩ kɛdɛkɛ mɔɔ eyiyiaa wʋ dedi nwʋ odwohilalɛ a? Ɛdɩ kunavʋlɔ mɔɔ edii wʋ yɩ anzɛnyɩɩ wʋ hũ yi owulo nwʋ ɛyɛkɛ a? Ekenyia ndwokɔ be wɔ jw.org zʋ mɔɔ ɩkɛma ɔkɔnwʋ Bayɩbʋlʋ nu egyinalɛzʋ-ndwokɔ pɔkyɩɩ mɔɔ ɩkɔwʋwa wʋ wɔ bʋwabɩlɛ eyimmɔ nɩɩ mvʋlɔ sʋ̃ nu.—Ɛɣɛ 2:3-6.

Wɔ ahyɛasɩ ɛkɛnɩ wɔ jw.org zʋ nɩ, minyiá BAYƖBƲLƲ EHILEHILELƐ yɩ zʋ. (Kilá mfonyini 1.) Mɔɔ ikowuko wɔ yɩ tʋ nɩ, minyiá mɔɔ ɛpɩbɛɛ nɩ zʋ. Anzɛnyɩɩ minyiá AWUUKU NƖƖ NNINYENI MVƲLƆ > NDWOKƆ MƆƆ ƖBA ƖTƲWADƲWA ZƲ yɩ zʋ, na yɩ́ ɔfʋã mɔɔ ɛpɛ nɩ. (Kilá mfonyini 2.) Sa ɔkʋla ɔnwʋ ɔzɔ ɔfʋã yɩ sʋ̃ la wɔ JW Library^® zʋ.a Sa ɔkʋla duwa ɔfʋã anwɩ̃ eyi nu bela zʋ ɛkɩnga ndwokɔ mɔɔ ɩwɔ ɛkɛnɩ nɩ. Sa ɔkʋla sʋ̃ ɛkɛlɛ mɔɔ ɛpɩbɛɛ nɩ kua dɩka mɔɔ bɛfa bɛpɩbɛ ndwokɔ wɔ jw.org yɩ zʋ nɩ.

Kɛlɛ́ ndwokɔ mɔɔ ilili zʋlɔ nɩ kua dɩka mɔɔ bɛfa bɛpɩbɛ ndwokɔ wɔ jw.org zʋ nɩ. Akʋ̃ kɛlɛ́ mɔɔ ɛpɛ kɛɛ ɛkɩnga falɩ ɔzɔ ndwokɔ yɩ nwʋ nɩ tiã ɛkɛ.

• Nnwuakula ɛdɩdɩlɛ

• Mɔɔ idide mmɩlantɩyɛ nɩɩ nɣɛdɛkɛ

• Wʋ nwʋkãvʋlɔ yi owulo