Kezimɔ Bɛyɛ Ɛbɩbɛlɛnu Nwʋ Adwɩnɩhilelɛ

Mɔɔ Nnwuakula Fa Suma Dɩyɛ

Awʋvʋlɔ wɔ asɛdɩ kezile kɛɛ bekehilehile bo nnwuakula Gyehova nwʋ dɩyɛ. (Ɛfɩ. 6:4) Gyehova yɩ ahyɩhyɛdɩ yɩ ɩyɛ awuuku, vidiyo nɩɩ ndwomi azʋlɔtʋ mɔɔ ɩkɔwʋwa awʋvʋlɔ ma bɛkɛyɛ zɔ. Kɛ ɩkɛyɛ na wʋava nninyeni eyimmɔ wʋawʋwa wu nnwuakula a?

• Kɔ jw.org zʋ. Sɛ ɔkɔ jw.org zʋ a, ɔkɔnwʋ dɩyɛ bela mɔɔ bɛyɛ bɛma nnwuakula dɩkɛɛ vidiyo nɩɩ nninyeni azʋlɔtʋ mɔɔ bɛkɛva bokozuma dɩyɛ.a Sɛ ɛpɛ kɛɛ ɔnwʋ eyi a, kɛlɛ “Nnwuakula” anzɛnyɩɩ “Mmɩlantɩyɛ Nɩɩ Nɣɛdɛkɛ” kua alɩka mɔɔ bɛfa bɛpɩbɛ odwokɔ nɩ nu.

• Pɩbɛ mɔɔ ɩkɔwʋwa wu nnwuakula yɩ. Wɔ ɔfʋã mɔɔ ise “Nnwuakula” yɩ tʋ nɩ, yɩ vidiyo, ndwomi anzɛnyɩɩ dɩyɛ fʋlɔ bela mɔɔ osunzu kɛɛ ɩkɔwʋwa wʋ ɣa yɩ. Sa ɔkʋla sʋ̃ ɛkɛlɛ “Bɛvá Bɛyɛ Abusunwa Ɔzʋ̃mɩnlɛ” okua dɩka mɔɔ bɛfa bɛpɩbɛ dɩyɛ nɩ, na ɔkɔnwʋ mɔɔ bɔkɔhʋla bɛkɛva bekeli egyima.

• Ɛ nɩɩ nnwuakula yɩ bɔwɔ numɔ bozunzu nwʋmɔ. Áma eyiaki ye vidiyo nɩɩ nninyeni mɔɔ nnwuakula fa suma dɩyɛ nɩ ɛma bɛ kɛɛ bɛzabɛ behila, mɔɔ ɩkɛyɛ mɔɔ ekenyia mmɩlɩ ɛkɛyɛ wʋ dɩyɛ. Ɛ nɩɩ bɛ wɔ numɔ bozunzu nwʋmɔ mfomi, na ɩawʋwa bɛ ma bɛ nɩɩ Gyehova avinli ɩayɛ ɛzɩzɩbɛ.