KILISINYIAMAA BƐ ƐBƖLAWƆLƐ
Bɛyɛ Egyimazɩzɩbɛ Bɛfa Bɔsʋ̃mɩ Yɛ
Mansini zʋ ehilalɛmaa nɩɩ bɛ yɩ mmɔ zʋ̃ ɔlɔlɛ nu fa nninyeni bɔ afɔlɩ ma bɛzabɛ mɔɔ bɔsʋ̃mɩ bɛ nɩ. Dɩkɛɛ ye nu bela nɩ, bɛzabɛ sʋ̃ bɛlɛ bɛ ahyinyiadɩ azʋlɔtʋ, ɩyɛ a bɛfɛ, bɛ abɔkɔ nu kʋla kolɔ na ɩyɛ po a, adwɩnɩndwɩnɩ hyɛ bɔ zʋ. (Gye 5:17) Naasʋ̃ eyi munwala mɛda nɩ, bɛfa bɛ adwɩnɩ besiye mmeliyema mɔɔ bɛkɛhyɛ bɛ ɛzɩzɩbɛ dapɛnɩ bela nɩ zʋ wɔ asafʋ mɔɔ bekegyela bɛ yi nu. Amba, bɛfata “annidi mmɔnwʋ.”—1Tim 5:17, NWT.
Mmɩlɩ mɔ sʋ̃mavʋlɔ Pɔɔlʋ yɛlɩ nhyɩhyɛlɩyɛ kɛɛ ɩkɔhɔ ikegyela Wulomi asafʋ yɩ na “bɛanyia Nyamɩnlɩ Sunzuma nu nyilalɛ nɩ,” na nɩ ikilaa ɔhʋanɩ sʋ̃ kɛɛ ‘be dedi nɩɩ yi dedi nɩ ɩkɛma bo munwatĩĩ bɛ ɛɣɛɛlɛ ɩkɛyɩkyɩ.’ (Wul 1:11, 12) Asʋ̃ ozunzuu nwʋmɔ ɔnwʋ kezimɔ ɛkɛhyɛ wʋ mansini zʋ ehilalɛvʋlɔ (sɛ igyia sʋ̃ a, ɩ nɩɩ yɩ yɩ) ɛzɩzɩbɛ a?
KILÁ VIDIYO MƆƆ ISE KEZIMƆ MANSINI ZƲ EHILALƐVƲLƆ BE MƆƆ ƖSƲ̃MƖ WƆ NZUWALƖYƐ ƖYƐ YI EGYIMA, NA AKƲ̃ YƖ NDWOKƆƔIZIALƐ EYIMMƆ BO MUNWA:
Mɩnla ahʋanɩ zʋ yɛ mansini zʋ ehilalɛmaa nɩɩ bɛ yɩ mmɔ zʋ̃ ɔlɔlɛ nu fa nninyeni bɔ afɔlɩ ma asafʋ mɔɔ bɔsʋ̃mɩ bɛ nɩ a?
Mɩnla ɔhʋanɩ zʋ yɛ wʋzawʋ enyia bɔ mmɔdɩnɩwɔlɛ yɩ zʋ mfasʋ a?
Mɩnla ɔhʋanɩ zʋ yɛ yɛkɔhʋla yɛkɛhyɛ bɛ ɛzɩzɩbɛ a?