Mɩnla Bʋtayɩ Azʋlɔtʋ Yɛ Ɛkɛva Ekeziye Wʋ Anyɩ Zʋ Ɛkɛma Ɔzʋ̃mɩnlɛ Ɔlʋbɔ Fʋlɔ Yɩ a?

Sunzuma ɔfʋã nu bʋtayɩ dɩ dɩyɛ bela mɔɔ yɛbɔ mmɔdɩnɩ kɛɛ yekodwu nwʋmɔ na ama yɛahʋla yɛazʋ̃mɩ Gyehova bʋwɔ na yɛama yɩ anyɩ iale. Ɩma yɛ nwʋ kʋkwa wɔ sunzuma ɔfʋã nu, na mfasʋ kezile wɔ zʋ kɛɛ yɛkɛva yɛ mmɩlɩ nɩɩ yɛ anwʋzɩzɩbɛ yɛkɔwɔ afɔlɩ mɔ ɩdɩ ɔzɔ. (1Tim 4:15) Sɛ yɛfa bʋtayɩ be yesiye yɛ anyɩ zʋ a, mɩnla ti mɔɔ ɩyɛ a, ɩsɛ kɛɛ yesunzu nwʋ dɔkʋ̃ a? Iluwakɛɛ bʋwabɩlɛ kʋla sɩnza. Ebiye a, nɩ nwʋmɔ iléhyinyia kɛɛ yekodwu ɔzɔ bʋtayɩ nwʋ dɔkʋ̃ anzɛnyɩɩ ebiye a, yedwu nwʋmɔ ti ikehyinyia kɛɛ yɛkɛva fʋlɔ yekeziye yɛ anyɩ zʋ.

Mmɩlɩ baaba mɔɔ yɛkɔhʋla yɛkɛva yekehila bʋtayɩ mɔɔ yɛva yeziye yɛ anyɩ zʋ yɩ nu dɔkʋ̃ yɛ lɛ, mmɩlɩ mɔ yɛbawɔ ɔzʋ̃mɩnlɛ ɔlʋbɔ fʋlɔ be tʋ nɩ. Sa bɔkʋla bosunzu odwokɔ eyi nwʋ wɔ bɛ abusunwa ɔzʋ̃mɩnlɛ tʋ. Na kɛ abusunwa nɩ, bɛava bʋtayɩ be bɛaziye bɛ anyɩ zʋ mmɩlɩ mɔ abusunwa nu enii bela sʋ̃ ɩlɛ yɩ bʋtayɩ dɩyɛ isiye yɩ anyɩ zʋ nɩ.

Mɩnla bʋtayɩ pɔkyɩɩ yɛ ɛva eziye wʋ anyɩ zʋ wɔ mɔɔ ilili zʋlɔ yɩ nu a, na mɩnla agyiakɛ yɛ ɛyɛ kɛɛ okodu na ama wʋahʋla wʋadwu nwʋmɔ a?