KILISINYIAMAA BƐ ƐBƖLAWƆLƐ
Sumazumá Gyehova Yɩ Ɔlɔlɛ Kanyɩɩ Nɩ
Gyehova yɛ ɩyɛ ɔlɔlɛ kanyɩɩ nwʋ ndianwʋ mɔɔ ɩtɛla ebiyela a. (Ndw 103:11) Ɔlɔlɛ eyi ɩ́dɩ yɛ anyɩ mɔɔ ideli abiye nwʋ wɔ mmɩlɩ ɛgyɩkɩ̃ɩ̃ be nu la anzɛnyɩɩ nɣanlɩdɩlɛ mɔɔ ɩáhyɛ nɩ ɩdɩ ɩhɔ a. Mfomi ɔlɔlɛ kanyɩɩ dɩ ɔlɔlɛ be mɔɔ ɩkɔ aɣinzi na ɩma ɛfa wʋ nwʋ ɔfʋãmɩ abiye nwʋ daabaa. Ɔzɔ ɔlɔlɛ eyi be yɛ Gyehova lalɩ yɩ ali hileli yi mmenii Yizilaya wɔ ahʋanɩ sʋ̃maa nu a. Ileli bɛ wɔ alɔngɔzʋ̃mɩnlɛ nu wɔ Igyibiti na ɩvalɩ bɛ ɩɣalɩ Anʋhʋba Azɩlɛ yɩ zʋ. (Ndw 105:42-44) Ɩhʋnlɩ ɩmanlɩ yi mmenii na ɩvalɩ bɛ tanɩ ɩhyɛlɩ bɛ mbɔmɩ sʋ̃maa. (Ndw 107:19, 20) Mmɩlɩ mɔ ‘yɛdwɩnɩndwɩnɩɩ Gyehova yɩ ɔlɔlɛ kanyɩɩ nwʋ yɛkɔhɔ aɣinzi’ nɩ, ɩhyɛ yɛ ɛzɩzɩbɛ ma yesumazuma yɩ.—Ndw 107:43.
KILÁ VIDIYO MƆƆ BƐYƐ YƖ DƖLAMA MƆƆ ISE ‘DWƖNƖNDWƖNƖ́ GYEHOVA YƖ ƆLƆLƐ EGYIMA NƖ NWƲ,’ NA AKƲ̃ YƖ NDWOKƆƔIZIALƐ EYIMMƆ BO MUNWA:
Mɩnla ɔhʋanɩ azʋlɔtʋ zʋ yɛ yɛkɔhʋla yɛkɛla ɔlɔlɛ kanyɩɩ ali a?
Mɩnla ti mɔɔ ɔlɔlɛ kanyɩɩ mɔɔ yɛkɛla yɩ ali nɩ pɩbɛ kɛɛ yɛkɛva nninyeni yɛkɔwɔ afɔlɩ a?