KILISINYIAMAA BƐ ƐBƖLAWƆLƐ
Awʋvʋlɔ—Behilehilé Bo Nnwuakula Ma Bɔnwʋ Kezimɔ Bɛkɛma Nyamɩnlɩ Yɩ Anyɩ Kele
Nnwuakula tʋ bʋlɔ baaba paa ma Nyamɩnlɩ. Ɩnwʋ kezimɔ dedi nɩɩ ɔlɔlɛ mɔɔ bɔwɔ bɛma yɩ nɩ ɩyɛɛ kezi na ɩnwʋ kezimɔ bekyina pindinyii wɔ ndwokɔzɩzɩbɛ nu nɩ. (1Sa 2:26; Lk 2:52) Sɛ belényinli po a, sa nnwuakula kʋla duwa bɛ nyɛlɩyɛ baaba yɩ zʋ bɛma Gyehova di fɛlɛkʋ̃ wɔ yɩ ahʋnlɩnɩ nu. (Ɛɣɛ 27:11) Gyehova luwa yɩ ahyɩhyɛdɩ yɩ zʋ ma awʋvʋlɔ nyia nninyeni baaba mɔɔ bɛkɛva bekehilehile bo nnwuakula ma bɛkɛɣa bɔkɔlɔ Gyehova na bɛadiye yi.
KILÁ VIDIYO MƆƆ ISE NNWUAKULA—SƐ BEKYINA PINDINYII A ƖMA GYEHOVA YƖ ANYƖ IDE! NA AKƲ̃ YƖ NDWOKƆƔIZIALƐ EYIMMƆ BO MUNWA:
Mɩnla mmʋwalɩyɛ nɩɩ ɔhʋanɩhilelɛ yɛ Gyehova va ma yɩ azʋ̃mɩvʋlɔ wɔ alʋbɔ sʋ̃maa mɔɔ ɩɣa ɩzɩ̃ idua numɔ nɩ a?
Mɩnla nninyeni yɛ awʋvʋlɔ lɛ yɩ nnɛ mɔɔ bɔkɔhʋla bɛkɛva bɔkɔwʋwa bo nnwuakula a?
Sɛ ɛdɩ kuakula a, mɩnla nninyeni yɛ Gyehova va ma wʋ mɔɔ enyia zʋlɔ mfasʋ a, na mɩnla ɔhʋanɩ zʋ yɛ ɩwʋwa wʋ a?