Dɩyɛzumanlɛ Nwʋ Adwɩnɩhilelɛ

Asʋ̃ wʋ anyɩ deli ye mmeliyema mmenyia nɩɩ mmaalɛ bɛ ɛbɩlawɔlɛ nu ndwokɔ yɩ ɛɣɩngalɛ nwʋ a?

Agyiahʋnlɩmaa be mɔɔ bɛkɩnga ɛbɩlawɔlɛ nu ndwokɔ ɔkʋ̃ nwɔnɩ bela nɩ hanlɩ kɛɛ: “Ndwokɔ yɩ hyɛ yɛ ɛzɩzɩbɛ paa na ɩma yɛ anyɩ de kɛɛ yɛkɛɣɩnga! Ndwokɔ yɩ kakɛ yɛ kɛɛ, sa yɛkʋla yedi nɔhʋanlɛ ɩávalɩ nwʋmɔ bʋwabɩlɛ bela mɔɔ yekeyiyia nɩ.” Eliyema baalɛ be mɔɔ ɩtɩ nɣanlɩ zɔ sʋ̃ hanlɩ kɛɛ: “Ɛbɩlawɔlɛ nu ndwokɔ eyimmɔ kyɩkyɩ mɩ ɛɣɛɛlɛ na ɩhyɛ mɩ ɛzɩzɩbɛ paa ma mʋkɔ mɩ anyunu. Ɔkʋla nwʋ kɛɛ, bɛvalɩ bɛ ɛbɩlawɔlɛ bɔzʋ̃mɩnlɩ Gyehova. Bɛ ɛbɩlawɔlɛ nu ndwokɔ yɩ hyɛ mɩ ɛzɩzɩbɛ ma mɩyɛ sʋ̃maa wɔ dasɩlɛlilɛ egyima yɩ nu na ɩbʋwa mɩ ma mikilehile mu nnwuakula yɩ kɛɛ bɛva mmɩlɩ munwala ɔzʋ̃mɩnlɛ egyima yɩ beziye bɛ anyɩ zʋ.”

Ɛbɩlawɔlɛ nu ndwokɔ yɩ kɔhʋla kɔwʋwa wʋ ma ɛkɛyɛ sʋ̃maa wɔ Gyehova ɔzʋ̃mɩnlɛ nu, ekeli wʋ mɛlɛkɛyɛlɛ be zʋ na wʋava anyɩnlɩlelɛ wʋagyina odwohilalɛ munwa. Kɛ ɛkɛyɛ na wʋanyia ɛbɩlawɔlɛ nu ndwokɔ eyimmɔ a?

• Kilá ndwokɔ mɔɔ ɩba ɩtʋwadʋwa ɔzʋlɔ mɔɔ ise “Gyehova Dasɩvʋlɔmaa Bɛ Ɛbɩlawɔlɛ Nu Ndwokɔ” mɔɔ ɩwɔ jw.org anzɛnyɩɩ JW Library® zʋ nɩ.

• Pɩbɛ́ “Gyehova Dasɩvʋlɔmaa Bɛ Ɛbɩlawɔlɛ Nu Ndwokɔ” wɔ Watchtower ONLINE LIBRARY^™ anzɛnyɩɩ Watchtower Library yɩ zʋ.