Bʋwá Bayɩbʋlʋ Dɩyɛzumanlɛmaa Ma Bɛɣɩla Dɩyɛzumanlɛ

Asafʋ ayiyialɩyɛ nwʋ ihyinyia wɔ nɔhʋanlɛ ɔzʋ̃mɩnlɛ nu. (Ndw 22:22) Bɛzabɛ mɔɔ beyiyia nu bɔsʋ̃mɩ Gyehova nɩ benyia anyɩnlɩlelɛ nɩɩ nyilalɛ sʋ̃maa. (Ndw 65:4) Sɛ Bayɩbʋlʋ dɩyɛzumanlɛmaa bɛta bɔkɔ asafʋ ayiyialɩyɛ a, ɩma benyia anyunumihɔlɛ ndɛndɛ.

Kɛ ɩkɛyɛ na wʋawʋwa wʋ Bayɩbʋlʋ dɩyɛzumanlɛmaa ma bɛaɣa dɩyɛzumanlɛ a? Kɔ́ ɔzʋlɔ tʋ salɛ fʋlɔ bɛ. Fá vidiyo mɔɔ ise Mɩnla Yɛɛ ɩkɔ Ɔzʋlɔ Wɔ Yɛ Bulombunli Ayiyialɩyɛ Aliyia Yɩ Nu a? nɩ kile bɛ. Kilehilé mfasʋ̃ mɔɔ ɩwɔ asafʋ ayiyialɩyɛ zʋ nɩ nu kile bɛ. (lff ozumalɛdɩyɛ 10) Sa ɔkʋla ɛkã dɩyɛ pɔkyɩɩ be mɔɔ ozumanlɩ wɔ asafʋ ayiyialɩyɛ be tʋ anzɛnyɩɩ ɔbʋbɔ mɔɔ bokozuma wɔ asafʋ ayiyialɩyɛ mɔɔ ili ɛkɛnɩ nɩ zʋ ekile bɛ. Buuku mɔɔ bokozuma wɔ asafʋ ayiyialɩyɛ yɩ tʋ nɩ, ma ebiye bɛ. Akʋ̃ sʋ̃, fá mmʋwalɩyɛ pɔkyɩɩ be ma bɛ. Kɛ ndianwʋ nɩ, ebiye a bekehyinyia mmʋwalɩyɛ na bɛahʋla bɛaɣa dɩyɛzumanlɛ tʋ. Meti sɛ ɔbɔ mmɔdɩnɩ ɔbʋwa bɛ a, eɣile mɔɔ ili bɔmʋnlɩ mɔɔ bɛkɛɣa dɩyɛzumanlɛ tʋ nɩ, bɛ anyɩ ikele paa.—1Kɔl 14:24, 25.

KILÁ VIDIYO MƆƆ BƐYƐ YƖ DƖLAMA MƆƆ ISE BƲWÁ WƲ BAYƖBƲLƲ DƖYƐZUMANLƐMAA MA BƐƔƖLA DƖYƐZUMANLƐ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla ɔnwʋmɔ ɔhʋanɩ yɛ Anita inyianlɩ mɔɔ ɩva ɩdʋlɩ salɛ ɩvʋlɔlɩ Jade ma ɩhɔlɩ dɩyɛzumanlɛ a?

• 

  Mɩnla ti mɔɔ yɛ anyɩ ide mmɩlɩ mɔ Bayɩbʋlʋ dɩyɛzumanlɛvʋlɔ be ɩɣa dɩyɛzumanlɛ a?

• 

  Mɩnla yɛ Jade ɩnwʋnlɩ wɔ mmɩlɩ mɔ ili bɔmʋnlɩ mɔɔ ɩɣalɩ dɩyɛzumanlɛ a?