Miˇ tsaˬ koeˇ taˆ iˇ cuꞈ dahˬ pymˬ yaꞈ gaˇ neh aˬ je dzaw geuꞈ nmˇ?

Tsawˇ doeˇ deuˬ˗ahˇ Miˬ yehˇ laˆ cawˆ˗awˇ Noˇaꞈ pehˬ zaˬ˗ahˇ bi buˬ bi law iˇ˗eu meh. Aˇdahˬbeh˗eu 7:11, 12, 23

Uˬ yehˇ 40 nah 40 miˇ yehˇ dui dui miˇ neh miˇ tsaˬ˗ahˇ iˇ cuꞈ dahˬ byah laˇ˗awˇ tsawˇ haˬ yaw doeˇ deuˬ shiˇ jiˇ˗eu meh.

Miˬ yehˇ ehˇ dawˬ maˬ naˇ haˬ˗eu mˬ taˆ gʼaˬ kʼehˇ kʼoeˇ deuˬ tsawˇ haˬ mawˇ do byehˇ dzeh˗awˇ nehˬ mˬ kʼoeˇ taˆ daˆ leˇ˗awˇ Saˬdaˬ paw jawˇ iˇ˗eu meh.

Lawˬ laꞈ kʼoeˇ uˇ˗eu tsawˇ haˬ deuˬ buˬ iˇ˗eu meh. Nymˬ˗mˇ Noˇaꞈ pehˬ zaˬ ya shiˇ˗eu kʼawꞈ noeˬ tmˬ˗eu jeˬ jaˆ meh. Miˬ yehˇ aˬ yawꞈ maˬ˗ahˇ bi gʼoꞈ dehꞈ laˇ˗awˇ mˬ maꞈ maꞈ byaˆ zaˇ ziˇ dehꞈ˗eu jeˬ bi za˗eu meh.

Miˬ yehˇ tsawˇ doeˇ deuˬ˗ahˇ tiˬ poˆ paˇ laˆ cawˆ˗a siˬ yaw muiˬ deuˬ˗ahˇ dehˬ˗eu ziˇ biꞈ meh. Maꞈtehˬ 24:37-39

Saˬdaˬ hawˇ˗eu aˬ yawꞈ˗euˬ gʼaˬ kʼehˇ deuˬ tsawˇ haˇ˗ahˇ sheuˬ bahˬ˗luˬ meh.

Nymˬ˗mˇ˗euˬ tsawˇ haˬ kʼawꞈ Noˇaꞈ˗euˬ ziˇ˗ahˇ dehꞈ˗euˬ tsawˇ haˬ˗ahˇ duˇ meh. Yeˬhawˇbaˬ gʼawˬ shaˬ gaˬ˗awˇ mehˬ nehˬ kʼawꞈ Yeˬhawˇbaˬ˗eu dawˬ maˬ naˇ haˬ˗a. Gʼawˬ myahˇ maˬ gʼeh˗ehˇ Yeˬhawˇbaˬ tsawˇ haˬ yaw doeˇ deuˬ˗ahˇ laˆ cawˆ meh.—2 Beˬtuˆluˆ 2:5, 6.

Nymˬ˗mˇ˗euˬ tsawˇ haˬ tiˬ gʼaˬ naˆ Noˆaꞈ loꞈ˗ehˇ duˇ meh. Miˬ yehˇ˗eu dawˬ naˇ haˬ˗awˇ mˇ caw luꞈ meh. Kʼoe deuˬ˗aˬ Yeˬhawˇbaˬ˗euˬ saˇ kiˇ meh.