Iˇ cuˬ dahˬ daˆ laˇ ngeh, Miˬ yehˇ˗euˬ dawˬ˗ahˇ naˇ haˬ˗eu aˬ suˇ gʼaˬ˗a, maˬ naˇ haˬ˗eu aˬ suˇ gaˬ˗a?

Noˇaꞈ ziˇ˗ahˇ jawˇ˗eu tsawˇ haˬ myaˬ ni maˬ muiˬ˗eu jeˬ tehꞈ˗ehˇ mˇ˗eu meh. Aˇdahˬbeh˗eu 6:5

Aˬdaˬ hawˇ neh Eˇbaˆ˗euˬ oeˬ paˬ oeˬ ma miˇ tsaˬ kʼoeˇ taˆ myaˬ laˇ˗eu meh. Mˬ taˆ gʼaˬ kʼehˇ tiˬ deuˬ Saˬdaˬ nehꞈ˗ehˇ gm leˇ˗awˇ Miˬ yehˇ dawˬ˗ahˇ maˬ naˇ haˬ˗a.

Maˬ muiˬ˗euˬ mˬ taˆ gʼaˬ kʼehˇ kʼoeˇ deuˬ miˇ tsaˬ kʼoeˇ taˆ oe ka˗awˇ tsawˇ haˬ loꞈ˗ehˇ la pyeuꞈ˗awˇ tsawˇ haˬ zaˬ˗eu aˬ buˇ nehꞈ˗ehˇ sheuˬ dahˬ dzaˬ˗eu meh. Aˬ buˇ kʼoeˇ deuˬ nehˬ baw˗eu zaˬ aˬ li deuˬ gʼaˬ kʼaˆ dui dui˗awˇ haiˬ dui dui˗eu meh.

Miˇ tsaˬ kʼoeˇ taˆ jawˇ˗euˬ tsawˇ haˬ deuˬ yaw doeˇ tehꞈ˗ehˇ mˇ˗eu meh. Jaˇ liꞈ laꞈ kʼoeˇ ehˇ˗eu yaw doeˇ mˇ˗eu tsawˇ haˬ miˇ tsaˬ kʼoeˇ taˆ myaˬ laˇ luꞈ meh. Aˬ yawꞈ maꞈ˗eu nui ma laꞈ kʼoeˇ maˬ muiˬ˗eu jeˬ tehꞈ˗ehˇ noeˬ luꞈ˗eu meh.

Noˇaꞈ Miˬ yehˇ ehˇ gaˇ naˇ haˬ˗awˇ lawˬ lawˬ ma deuˆ˗eu meh. Aˇdahˬbeh˗eu 6:13, 14, 18, 19, 22

Noˇaꞈ yaw tsaˬ yaw dawˇ tiˬ gʼaˬ meh, Yeˬhawˇbaˬ Noˇaꞈ˗ahˇ ehˇ nehˬ˗eu, tsawˇ haˬ yaw doeˇ deuˬ˗ahˇ iˇ cuꞈ neh bi dahˬ sehꞈ jiˇ ma lehˇ ehˇ nehˬ˗eu meh.

Miˬ yehˇ Noˇaꞈ˗ahˇ lawˬ deuˆ˗awˬ lehˇ ehˇ nehˬ˗eu meh. Kʼoeˇ naˇ nawˬ˗eu pehˬ zaˬ hawˇ˗eu jeˬ zaˬ yawˬ jeˬ na luꞈ sheuˬ˗awˇ lawˬ˗ahˇ uˇ leˇ˗awˬ lehˇ ehˇ nehˬ˗eu meh.

Iˇ cuꞈ dahˬ daˆ laˇ meh lehˇ Noˇaꞈ aˬ yawꞈ maꞈ˗ahˇ ehˇ nehˬ kʼawꞈ tiˬ gʼa iˬ maˬ naˇ haˬ˗a. Tiˬ gʼaˬ na Noˇaꞈ˗ahˇ uiˇ˗awˇ, tiˬ gʼaˬ na aˬ yawꞈ˗ahˇ byeh˗eu meh.

Noˇaꞈ lawˬ deuˆ gʼaˬ naˇ jeˬ zaˬ dawˬ tawˆ luꞈ lawˬ˗ahˇ teh˗ahˇ˗euˬ meh.