Yeˬhawˇbaˬ˗ahˇ noeˬ keuˆ˗eu gʼaˇ duˬ nawˬ˗euˬ nymˇ jiˇ˗ahˇ caw ba

Yuˇdaˆ tsawˇ jeuˬ aˬ yawꞈ maꞈ˗euˬ Miˬyehˇ Yeˬhawˇbaˬ˗ahˇ ngehˇ˗euˬ miˇ neh, gʼawˬ myahˇ maˬ gʼeh˗ehˇ bi laˆ cawˆ meh lehˇ, Yeˬlaˬmiˇ ya ehˇ nehˬ iˇ˗euˬ meh. (Miˇ 13:25) Tsawˇ jeuˬ heu jeuˬ nui jah paw gʼaˬ, aˬ joˆ˗ehˇ ba iˇ nya˗eu nga? Iˇsaˬleˬlaˆ˗euˬ nymˇ jiˇ jah˗eu jeˬ byoˆ iˇ˗euˬ meh. Teu miˇ neh, nymˇ sahˇ aˬ da deuˬ, Yeˬhawˇbaˬ neh, Dawˬ mehˬ mehˬ˗eu 6:5-7-ahˇ ehˇ taˬ˗euˬ loꞈ˗ehˇ maˬ mˇ caw ngaˬ lehˇ siˬ laˇ˗euˬ meh.

Nymˇ iˬ nah gʼaˬ kʼaˆ˗eu nymˇ jiˇ deuˬ, aˇ muˇ ziꞈ dah ni bi gʼeh˗eu gʼaˇ duˬ caw ba luꞈ meh. Nymˇ sahˇ aˬ da iˇ kahˇ laꞈ kʼoeˇ jawˇ˗eu deuˬ, Yeˬhawˇbaˬ˗ahˇ bi noeˬ keuˆ˗eu gʼaˇ duˬ caw ba nya ni, yaw jawˇ na luꞈ nymˇ jiˇ uˬ duˬ ya tahˬ˗eu meh. (Ceuˬ 22:27) “Zahˇ dawˬ kʼoꞈ dawˬ heu deuˬ˗ahˇ naw maꞈ tiˬ jawˇ˗iˬ taˬ ngehˇ”—Nym ji˗ah na ha tse˗eu lehˇ kuˇ˗eu biˬ diˬ oˬ haw gʼaˬ naˇ, naˇ haˬ˗eu jeˬ heu deuˬ neh naˇ haˬ.

• Nymˇ jiˇ uˬ duˬ tahˬ gaˇ laˆ tsoeˬ laˇ˗eu jeˬ˗ahˇ gʼaˬ leˇ nya ni, nymˇ jiˇ tiˬ deuˬ na aˬ joˆ˗ehˇ jahˇ˗eu nga?

• Aˬ myah luꞈ nymˇ jiˇ laꞈ kʼoeˇ gaˇ dahˇ tsoeˬ ni uˬ duˬ tahˬ˗eu jeˬ˗ahˇ neh, muiˬ˗eu jeˬ aˬ jeˬ za˗eu nga?

• Nymˇ jiˇ laꞈ kʼoeˇ uˬ duˬ tahˬ˗eu jeˬ˗ahˇ laˆ tsoeˬ laˇ˗eu jeˬ jaˆ ngeh, gʼaˬ leˇ ni aˬ joˆ˗ehˇ jahˇ le?