Pehˬ zaˬ ma zaˬ Yeˬhawˇbaˬ˗ahˇ uˬ duˬ tahˬ˗eu

Paˇ dmˬ heu dmˬ˗ahˇ gui ngeh, nawˬ˗euˬ nymˇ jiˇ˗ahˇ caw ba nehˬ nya˗eu Jaˇliꞈ zahˇ˗ahˇ ya mawˇ tehꞈ˗a. Yeˬhawˇbaˬ nawˬ˗ahˇ laꞈ kʼaˬ bi cehˇ mawꞈ˗eu meh. Miˬyehˇ˗ahˇ naˬ ba tiꞈ taˬ naˇ, “nui jeˬ dawˬ tawˆ luꞈ, aˬ yawꞈ naw maꞈ˗ahˇ biꞈ lahˬ” nehˬ ma lehˇ saˇ jaˇ dzaˬ taˬ˗euˬ meh. (Maꞈtehˬ 6:33) Miˬyehˇ nawˬ˗ahˇ aˬ yawꞈ nehˬ˗ehˇ cawˬ bi cawˬ mawꞈ˗eu meh. Miˬyehˇ˗euˬ cawˬ pyeuꞈ nya ni leh jeh˗awˬ. Aˬ jeˬ miˇ neh ehˇ naˇ, heu˗aˬ, yawˬ jeˬ yawˬ naˆ maˬ tseˇ muiˬ dzehˬ˗eu jeˬ pyeuꞈ˗eu miˇ neh meh.—Maꞈtehˬ 22:37, 38.

1 Yeˬhawˇbaˬ nehˬ˗ehˇ cawˬ cawˬ˗eu jeˬ bi ziꞈ

Jaˇliꞈ ehˇ˗eu: “Ngaˇ naw maꞈ˗euˬ Aˬda pyeuꞈ˗awˇ, nawˬ maꞈ ngaˬ li ngaˬ buˇ pyeuꞈ laˇ tehꞈ˗a lehˇ” Yeˬhawˇbaˬ ehˇ˗eu meh. (2 Gawˇliˬtu 6:18, Jaˇliꞈ yaw shuiꞈ 1997) Guiˬ lahˬ shaˇ˗eu jeˬ neh, Miˬyehˇ aˬ yawꞈ nehˬ˗ehˇ bi gʼoeˇ laˇ mawꞈ meh. Teu miˇ neh, “maˬ tsehˆ leˇ ni guiˬ lahˬ shaˇ˗awˬ” lehˇ Yeˬhawˇbaˬ ehˇ˗ eu meh. (1 Teˇsaˬloˇni 5:17) Nawˬ˗euˬ nui ma laꞈ kʼoeˇ pyeuꞈ luꞈ˗eu jeˬ hawˇ˗eu kʼahˬ lahˇ luꞈ˗eu jeˬ˗ahˇ Miˬyehˇ gaˬ mawꞈ meh. (Piˇliˇpiˆ 4:6) Nawˬ˗euˬ nymˇ jiˇ nehˬ˗ehˇ guiˬ lahˬ shaˇ ngeh, Miˬyehˇ maˇ diˇ jawˇ nga lehˇ, aˬ yawꞈ maꞈ˗ahˇ siˬ leˇ˗eu meh.

Yawˬ ha tehꞈ˗ehˇ maˬ ngehˬ ni, Miˬyehˇ ngehˬ gaˇ jiˇ naˇ haˬ˗eu gʼaˇ duˬ, Jaˇliꞈ hawˇ˗eu Jaˇliꞈ˗ahˇ dawˬ pehˬ taˬ˗eu paˇ dmˬ deuˬ˗ahˇ ya gui meh. (Ja ceuˬ 1:1, 2) Kʼoeˇ naˇ, Miˬyehˇ ngehˬ gaˇ naˇ haˬ˗eu gʼaˇ duˬ, dzaw laꞈ˗euˬ gaˇ kawˆ˗ahˇ shaˇ noeˬ shaˇ sawˇ˗awˬ. (Ja ceuˬ 77:11, 12) Maˬ tsehˆ leˇ ni Ka li zaˬ bawˬ dzaˬ gaˇ iˇ˗awˬ.—Ja ceuˬ 122:1-4.

Yeˬhawˇbaˬ˗euˬ gaˇ kawˆ aˬ cawˬ˗ahˇ ngehˬ˗ehˇ ja nehˬ naˇ ngehˬ˗ehˇ, aˬ yawꞈ˗euˬ dawˬ peh jiˆ peh leˇ˗eu meh.—Maꞈtehˬ 28:19, 20.

Nawˇ mˇ nya˗eu jeˬ:

• Yawˬ nah na Jaˇliꞈ gui˗awˇ guiˬ lahˬ shaˇ˗eu gʼaˇ duˬ, aˇ yamˬ biˇ doˆ taˬ˗awˬ

• Nymˇ jiˇ laꞈ kʼoeˇ byawˬ gʼa cehˇ gʼaˬ˗eu jeˬ naˆ maˬ tseˇ, saꞈ laˇ paw˗euˬ mˇ jeˬ shaˇ kawˆ deuˬ˗ahˇ leh jeh˗awˬ

2 Nymˇ jiˇ uˬ duˬ tahˬ˗eu laꞈ kʼaˬ cehˇ˗awˬ

Jaˇliꞈ ehˇ˗eu: “Miˬyehˇ˗euˬ dawˬ peh jiˆ laˇ˗awˬ. Naw maꞈ˗euˬ dawˬ peh Miˬyehˇ jiˆ le tehꞈ˗a.” (Yaˬkoˆ 4:8) Nymˇ jiˇ uˬ duˬ tahˬ˗eu jeˬ maˬ tsehˆ leˇ ni mˇ nya˗eu gʼaˇ duˬ aˇ yamˬ tseˇ doˆ taˬ˗awˬ. (Aˇdahˬbeh˗eu 18:19) Yawˬ nah na luꞈ nawˬ˗euˬ dehꞈ ziˇ Miˬyehˇ˗ahˇ noeˬ mawˇ˗eu loˬ meh. Nawˬ˗euˬ nymˇ jiˇ Miˬyehˇ nehˬ˗ehˇ bi gʼoeˇ˗eu gʼaˇ duˬ, “Iˇ kahˇ jawˇ ngeh maˬ ehˇ, gaˇ mahˇ kaˬ gaˇ ya iˇ ngeh maˬ ehˇ, gʼaˬ naˬ naˬ luꞈ ngeh maˬ ehˇ, gaˇ mˇ luꞈ ngeh maˬ ehˇ” aˬ yawꞈ˗euˬ gaˇ kawˆ˗ahˇ ja mehˬ nehˬ˗awˬ. (Dawˬmehˬmehˬ˗eu 6:6, 7) “Ngaˇ hawˇ˗eu ngaˬ˗euˬ miˬ sawˇ zaˬ deuˬ law nmˇ˗aˬ, Sahˬpaˬ Miˬyehˇ˗ahˇ uˬ duˬ tahˬ ma” lehˇ Yawˇshuˆ neh ehˇ yaꞈ˗euˬ loꞈ˗ehˇ, aˬ dui kʼawꞈ ehˇ nya ni leh jeh˗awˬ.—Yawˇshuˆ 24:15.

Nawˇ mˇ nya˗eu jeˬ:

• Nymˇ jiˇ laꞈ kʼoeˇ yawˬ gʼaˬ na luꞈ nehˬ˗ehˇ tsaˬ leˇ˗eu gaˇ kawˆ˗ahˇ dzaw nehˬ˗awˬ