Baˬsaˬkaˬ bawˬ˗iˬ heu Yeˬsuˇ shiˇ gaˇ noeˬ mawˇ˗eu mehˬ bawˬ˗ahˇ aˇ baˇ baˇ nehˬ˗eu jeˬ maˬ ngeuˇ kʼawꞈ, Baˬsaˬkaˬ bawˬ˗iˬ heu naˇ aˬ dui˗ahˇ gaˇ dahˇ tsoeˬ˗eu meh. Yaw jeˬ ma jeˬ, kuiˇ laꞈ Pawˇluˆ Yeˬsuˇ˗ahˇ, “Baˬsaˬkaˬ bawˬ˗iˬ gʼeh ngeh ya lawˇ˗eu yawˇ zaˬ” lehˇ kuˇ˗eu meh. (1Gawˇ 5:7) Laˇ gʼoˆ˗ahˇ lehꞈ taˬ˗euˬ shiˬ dehꞈ ziˇ˗ahˇ caw ba nya˗eu loꞈ˗ehˇ, Yeˬsuˇ˗euˬ shiˬ kʼawꞈ dehꞈ ziˇ˗ahˇ caw ba nya˗eu meh. (Doˆ 12:12, 13) Kʼoeˇ naˇ, Baˬsaˬkaˬ bawˬ˗iˬ dzaˬ ngeh yawˇ zaˬ˗euˬ shaˬ yoeˬ maˬ ya laˆ kʼehꞈ˗euˬ loꞈ˗ehˇ, Yeˬsuˬ˗euˬ shaˬ yoeˬ kʼawꞈ maˬ laˆ kʼehꞈ˗aˬ. Maˇ diˇ naˇ teu ngeh yamˬ naˇ tsawˇ haˬ sehꞈ˗eu zahˇ sahˇ kʼoꞈ naˇ, shaˬ yoeˬ ya laˆ kʼehꞈ˗eu meh.—Doˆ 12:46; Yoˇ 19:31-33, 36.