Aˬ da aˬ ma deuˬ, zaˬ bi mˇ byah˗eu gʼaˇ duˬ dui dui˗eu aˬ kawˬ˗aˬ biꞈ ma loˇ?

Miˬyehˇ˗ahˇ guˆ˗eu aˬ da aˬ ma deuˬ zaˬ deuˬ, huiˬ laˇ˗awˇ saˇ jaˇ ziꞈ˗eu laꞈ kʼoeˇ Yeˬhawˇbaˬ˗euˬ gaˇ mˇ gaˇ mawˇ mawꞈ˗eu meh. Teu loꞈ˗ehˇ pyeuꞈ nya˗eu gʼaˇ duˬ, aˬ da aˬ ma deuˬ zaˬ˗ahˇ zaˬ nahˬ˗ehˇ gʼeh ngeh neh, aˬ yawꞈ maꞈ˗euˬ nui ma laꞈ kʼoeˇ Jaˇliꞈ mehˬ˗eu jeˬ ya dawˆ ahˇ nehˬ˗eu meh. (Mehˬ 6:7; Dawˬ 22:6) Heu loꞈ˗ehˇ jahˇ nya˗eu gʼaˇ duˬ yawˬ ha˗euˬ gʼawˇ mawˇ ya lawˇ nehˬ ngaˇ loˇ? Ngeuˇ meh. Ehˇ kʼawꞈ, za laˇ˗eu laꞈ sawˬ˗aˬ, leh jeh poeˬ kʼoꞈ meh.—3 Yoˇ 4.

Aˬ da aˬ ma deuˬ Yoˇsehˆ hawˇ˗eu Maˬliˇ˗ahˇ neh yaw myaˬ jeˬ dzaw geuꞈ nya˗eu meh. Aˬ yawꞈ nyaꞈ ya leh jeh˗awˇ pyuˇ jiˇ kʼawꞈ, “aˬ yawꞈ kʼoꞈ yawꞈ Yeˬluˇsaˬlehˬ meuˬ˗ahˇ Baˬsaˬkaˬ Bawˬ˗iˬ gʼeh ngeh le˗eu meh.” (Luˇ 2:41) Heu gaˇ haw ngeh, aˬ yawꞈ nyaꞈ Yeˬhawˇbaˬ nehˬ˗ehˇ cawˬ cawˬ taꞈ˗eu jeˬ˗ahˇ aˇ yeˇ taˬ huiˬ dui dui ngaˇ lehˇ siˬ laˇ˗eu meh. Teu gaˇ duˇ ni nymˬ˗mˇ iˬ nah˗euˬ aˬ da aˬ ma deuˬ zaˬ˗ahˇ tsaˬ˗eu gaˇ ma toeˬ mehˬ˗eu gʼaˇ duˬ, aˇ yamˬ kʼaˇ doˆ laˇ ngeh, ngehˬ˗eu jeˬ hawˇ˗eu mˇ˗eu jeˬ neh mehˬ nya˗eu meh.—Ceuˬ 127:3-5.

Aˬ yawꞈ maꞈ kʼaˇ gʼeh nya gaˇ neh aˇ yamˬ biꞈ, lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• Jaw, hawˇ˗eu Saˇlawˬ Ciˇleuˬ, nymˇ jiˇ˗ahˇ ngehˬ gʼeh ngeh, Miˬyehˇ Miˇkʼahˬ˗ahˇ naˬ ba tiꞈ aˬ joˆ˗ehˇ taˬ˗euˬ nga?

• Aˬ da aˬ ma deuˬ zaˬ aˬ yawꞈ gʼaˬ yawꞈ loˬ˗eu jeˬ˗ahˇ aˬ jeˬ miˇ neh ya mehˬ ya tsoˆ˗eu nga?

• Zaˬ deuˬ lawˬ haw laˇ gaˇ ya daˬ ngeh, nui jah ziꞈ ni aˬ da aˬ ma deuˬ aˬ joˆ˗ehˇ lehˬ hmˬ nehˬ nya˗eu nga?

• Zaˬ deuˬ Yeˬhawˇbaˬ nehˬ˗ehˇ cawˬ cawˬ nya ni caw ba nehˬ˗eu gʼaˇ duˬ, Yeˬhawˇbaˬ˗euˬ aˇ maꞈ aˇ muˇ aˬ jeˬ jeˇ keu ka lehˬ hmˬ nehˬ taˬ˗euˬ nga?