Soˇsho neˇgʼoꞈ˗euˬ lahˇ ju˗ahˇ yahˇ

Aˬ jeˬ miˇ neh aˇ yeˇ huiˬ˗eu nga?: Soˇsho neˇgʼoꞈ kʼawꞈ ni, keu ka nui deuˬ loꞈ˗ehˇ muiˬ˗eu jeˬ jaˆ˗awˇ, lehˬ laˇ ca laˇ nya˗eu jeˬ jiˇ jaˆ˗eu meh. Ka li zaˬ tiˬ gʼaˬ na soˇsho neˇgʼoꞈ maˬ zmˬ lehˇ noeˬ tsehˆ˗euˬ meh. Tiˬ gʼaˬ na naˇ, soˇsho neˇgʼoꞈ neh nymˇ jiˇ hawˇ˗eu cawˬ deuˬ˗ahˇ ngehˬ cawˬ˗eu meh. Ehˇ kʼawꞈ, Saˬdaˬ aˬ dui Miˬyehˇ nehˬ˗ehˇ cawˬ cawˬ˗eu jeˬ hawˇ˗eu aˬ dui˗euˬ tsawˇ myahˇ˗ahˇ laˆ cawˆ˗eu gʼaˇ duˬ, soˇsho neˇgʼoꞈ maˬ muiˬ˗eu paw bi zmˬ mawꞈ˗eu meh. Aˬ dui Yeˬsuˇ loꞈ˗ehˇ duˇ ni, Miˬyehˇ˗euˬ dawˬ˗ahˇ zmˬ˗awˇ, lehˬ laˇ ca laˇ˗eu jeˬ˗ahˇ yahˇ nya meh.—Luˇ 4:4, 8, 12.

Ya yahˇ˗eu lahˇ ju:

• Iˇteuꞈnehꞈ paw neh aˇ dzehˬ˗ehˇ ngehˬ cawˬ dzeuˇ˗eu. Aˬ dui soˇsho neˇgʼoꞈ maˬ ngeuˇ naˇ, soˇsho miˇdiˬ˗yaˬ paw aˇ yamˬ aˇ dzehˬ˗ehˇ zmˬ dzeuˇ naˇ, aˬ dui Yeˬhawˇbaˬ˗ahˇ biꞈ paˬ˗ehˇ gʼeh˗eu poeˬ˗eu aˇ yamˬ smˇ iˇ nya meh

  Jaˇliꞈ zahˇ: Peˇ 5:15, 16; Piˆ 1:10

• Maˬ muiˬ˗eu jeˬ˗ahˇ haw˗eu. Maˬ muiˬ˗eu aˇ baˇ˗ahˇ haw˗eu heu naˇ, dzaw iˇ nya˗awˇ bi dehꞈ bahˬ nya˗eu meh. Kʼoeˇ naˇ, Miˬyehˇ˗ahˇ saˇ jaˇ peuˬ˗euˬ tsawˇ haˬ deuˬ neh boꞈ˗euˬ jeˬ˗ahˇ gui˗eu heu jiˇ, nui jah˗ahˇ laˆ cawˆ nya˗eu meh

  Jaˇliꞈ zahˇ: Tehˬ 5:28; Piˆ 4:8

• Maˬ muiˬ˗eu nui noeˬ maˬ ngeuˇ naˇ, aˇ baˇ dawˆ ahˇ˗eu. Nui ma laꞈ gʼoꞈ baw˗eu miˇ neh, aˬ dui soˇsho neˇgʼoꞈ laꞈ kʼoeˇ maˬ muiˬ˗eu nui noeˬ maˬ ngeuˇ naˇ, aˇ baˇ dawˆ ahˇ mawꞈ nya meh. Ehˇ kʼawꞈ, heu naˇ aˬ cawˬ˗euˬ teˇ doˆ˗eu jeˬ˗ahˇ laˆ cawˆ nya˗awˇ, aˬ cawˬ˗euˬ nui jah˗ahˇ jiˇ gʼaˬ bi baˬ iˇ nya meh

  Jaˇliꞈ zahˇ: Maˆ 14:13; Peˇ 4:29

Soˇsho neˇgʼoꞈ yaw gahˇ gahˇ˗ehˇ zmˬ lehˇ ehˇ˗eu biˬdiˬoˬ haw˗awˇ, gaˇ kawˆ heu deuˬ˗ahˇ aˬ joˆ˗ehˇ yahˇ paˬ nga lehˇ ja sawˇ poˆ: