Jaˇliꞈ laꞈ kʼoeˇ˗euˬ poeˬ˗eu zaˬ siˬ nui gahˇ | Aˇdahˬbeh˗eu 15-17

Yeˬhawˇbaˬ Aˬbyaˬ hawˇ˗eu Saˬlehˇ˗euˬ tsawˇ myahˇ aˬ jeˬ miˇ neh myahˇ paˇ˗euˬ nga?

17:1, 3-5, 15, 16

Yeˬhawˇbaˬ Aˬbyaˬ˗ahˇ yaw tsaˬ yaw dawˇ jeˬ tehꞈ˗ehˇ mˇ˗eu gʼaˬ pyeuꞈ˗eu lehˇ haw˗eu meh. Aˬ yawꞈ Aˬbyaˬ˗ahˇ saˇ jaˇ dzaˬ taˬ˗euˬ jeˬ dzawˇ lahˬ nehˬ ngeh, Aˬbyaˬ hawˇ˗eu Saˬlehˇ˗euˬ tsawˇ myahˇ myahˇ paˇ nehˬ˗euˬ meh. Tsawˇ myahˇ heu naˇ maˬ keuˆ laˇ miˇ ehˇ taˬ˗euˬ dawˬ nehˬ˗ehˇ taꞈ˗eu meh.

Aˬ yawꞈ nyaꞈ˗euˬ tsawˇ myahˇ˗euˬ dawˬ tsuiꞈ loꞈ˗ehˇ, Aˬbyaˬhaˬ tsawˇ jeuˬ gʼawˬ mya jeuˬ˗euˬ aˬ da pyeuꞈ laˇ˗awˇ, Saˬlaˇ kʼawꞈ sahˬ paˬ gʼawˬ mya gʼaˬ˗euˬ aˇ jeuˬ pyeuꞈ laˇ˗euˬ meh.

Aˬbyaˬhaˬ

Tsawˇ haˬ gʼawˬ mya ni˗euˬ aˬ da
Saˬlaˇ

Sahˬ paˬ zaˬ miˬ

Aˇ baˇ deuˬ: Mehˇ nmˇ aˬ buˇ zaˬ guˬ tiˬ gʼaˬ nui jah huiˬ laˇ mahˇ laˇ ni leh jeh luꞈ. 1. Aˬ yawꞈ iˇ cuꞈ shawˇ. 2. Aˬ yawꞈ jawˇ nah yaw kaˬ˗euˬ mehˬ bawˬ˗ahˇ dzaw zaˬ geuꞈ. 3. Aˬ yawꞈ tsaꞈ gaˬ iˇ ngeh, nymˇ sahˇ gʼaˬ˗ahˇ biˬdiˬoˬ byaˬ nehˬ luꞈ.

Aˬ dui dehꞈ le ngeh yawˬ ha˗euˬ tsawˇ myahˇ maˬ tseˇ nya˗a. Ehˇ kʼawꞈ aˬ cawˬ neh aˬ dui˗ahˇ aˬ joˆ˗ehˇ bi noeˬ taˬ˗eu lehˇ tseˇ mˇ nya meh. Yawˬ ha˗ahˇ heu loꞈ˗ehˇ naˇ haˬ.

‘Yeˬhawˇbaˬ ngaˬ˗ahˇ yaw tsaˬ yaw dawˇ jeˬ tehꞈ˗ehˇ mˇ˗eu tiˬ gʼaˬ pyeuꞈ˗eu lehˇ bi haw˗eu gʼaˇ duˬ, ngaˇ aˬ jeˬ ya jahˇ˗eu nga?’
‘Ngaˇ Yeˬhawˇbaˬ˗euˬ mehˬ shi aˬ joˆ˗ehˇ gʼeh˗eu tsawˇ myahˇ za ni mˇ luꞈ nya?’