Nawˇ nawˬ˗euˬ nymˇ jiˇ˗ahˇ ziꞈ dah ni bi gʼeh˗eu gʼaˇ duˬ, aˬ jeˬ jahˇ nya˗eu nga?

Aˬbyaˬhaˬ hawˇ˗eu Saˬlaˇ, gaˬ˗awˇ yaw zeu baw˗eu gaˇ kawˆ˗ahˇ miˬ zaˬ yo zaˬ deuˬ dzaw geuꞈ paˬ˗ehˇ gʼeh˗eu meh. (Aˇdahˬbeh˗eu 12:11-13; 1 Beˬtuˆluˆ 3:6) Ehˇ kʼawꞈ aˬ yawꞈ nyaꞈ˗euˬ nymˇ dahˬ maˬ byah kuꞈ˗eu uˬ taꞈ, shaˬ zahˬ gʼawˬ mya jeˬ˗ahˇ jiˇ ya daˬ˗eu meh. Miˬ zaˬ yo zaˬ deuˬ Aˬbyaˬhaˬ hawˇ˗eu Saˬlaˇ˗euˬ gaˇ kawˆ˗ahˇ shaˇ noeˬ shaˇ sawˇ ngeh aˬ jeˬ dzaw geuꞈ nya˗eu nga?

Nawˬ˗euˬ nymˇ dahˬ nehˬ˗ehˇ ngehˬ cawˬ. Nawˬ˗euˬ nymˇ dahˬ nui ma naˇ laˇ ni tiˬ jeˬ na ngehˬ laˇ kʼawꞈ, nui maˬ pehˇ pehˇ˗ehˇ maˬ ngehˬ ni yaw muiˬ˗ehˇ ya ngehˬ cawˬ˗eu meh. (Aˇdahˬbeh˗eu 16:5, 6) Tiˬ kawˆ loꞈ˗ehˇ jawˇ˗eu aˇ yamˬ bi jaˆ˗awˇ, aˬ yawꞈ˗ahˇ gaˬ˗eu lehˇ ngehˬ˗eu jeˬ hawˇ˗eu mˇ˗eu jeˬ neh bi siˬ leˇ. Aˇ yeˇ huiˬ˗eu jeˬ naˇ, naw nyaꞈ Yeˬhawˇbaˬ nehˬ˗ehˇ aˬ myah luꞈ gʼoeˇ˗eu gʼaˇ duˬ, Jaˇliꞈ ya gui˗awˇ guiˬ lahˬ ya shaˇ˗eu uˬ taꞈ Miˬyehˇ˗ahˇ uˬ duˬ tiˬ kawˆ loꞈ˗ehˇ ya tahˬ˗eu meh. (Dawˬtsoˆ 4:12) Nymˇ jiˇ ziꞈ dah ni gʼeh naˇ, yaw zeu baw laˇ paˬ˗ehˇ gʼeh˗eu jeˬ heu Dahˬ beh˗euˬ Yeˬhawˇbaˬ˗ahˇ ciˬ huiˬ ci mahˇ˗eu jeˬ bi za˗eu meh.

Nymˇ jiˇ ziꞈ laˇ ni jahˇ lehˇ ehˇ˗eu biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Sawˬ˗ahˬ hawˇ˗eu Kiˇ˗a˗laˬ aˬ yawꞈ nyaꞈ kaˬ iˇ luꞈ nga lehˇ aˬ joˆ˗ehˇ mawˇ laˇ˗eu nga?

• Nymˇ dahˬ dahˬ dzaˬ˗eu laꞈ kʼoeˇ bya cehˆ ni ngehˬ cawˬ˗eu heu, aˬ jeˬ miˇ neh aˇ yeˇ huiˬ˗eu nga?

• Aˬbyaˬhaˬ hawˇ˗eu Saˬlaˇ neh mˇ mehˬ yaꞈ˗euˬ jeˬ, Sawˬ˗ahˬ hawˇ˗eu Kiˇ˗a˗laˬ˗ahˇ aˬ joˆ˗ehˇ caw ba˗eu nga?

• Yawˬ ha˗euˬ nymˇ jiˇ bi ziꞈ laˇ˗eu gʼaˇ duˬ, Sawˬ˗ahˬ hawˇ˗eu Kiˇ˗a˗laˬ aˬ jeˬ jeˇ jahˇ˗euˬ nga?

• Miˬ zaˬ yo zaˬ deuˬ, nymˇ dahˬ dahˬ dzaˬ˗eu laꞈ kʼoeˇ yaw muiˬ jeˬ tehꞈ˗ehˇ jaˆ meh lehˇ aˬ jeˬ miˇ neh maˬ ya noeˬ tmˬ˗eu nga?