Yoˇsehˆ loꞈ˗ehˇ dehꞈ bahˬ dehꞈ muˆ˗eu jeˬ˗ahˇ yahˇ

Aˬ dui˗ahˇ dehꞈ bahˬ dehꞈ muˆ ni lawˬ haw laˇ ngeh, aˬ dui Yoˇsehˆ˗ahˇ dzaw geuꞈ paˬ˗ehˇ gʼeh˗eu meh. Baw leˬ˗euˬ miˬ zaˬ Yoˇsehˆ˗ahˇ yuꞈ taꞈ ma lehˇ cawˬ laˇ ngeh, Yoˇsehˆ yawˬ poˆ na luꞈ yahˇ dzeuˇ nya˗euˬ meh. (Aˇdahˬbeh˗eu 39:7-10) Aˬ yawꞈ “Miˬyehˇ mehˬ shi iˬ baˇ huiˬ dui dui˗eu maˬ mˇ kʼmˬ˗eu heu jeˬ˗ahˇ, ngaˇ aˬ joˆ˗ehˇ mˇ nya nmˇ” lehˇ ehˇ˗eu heu naˇ, aˬ yawꞈ sheuˬ dahˬ dzaˬ˗eu gaˇ kawˆ˗ahˇ saˇ jaˇ ziꞈ˗eu jeˬ˗ahˇ Yeˬhawˇbaˬ noeˬ˗eu loꞈ˗ehˇ noeˬ˗eu lehˇ siˬ laˇ˗eu meh. Dehꞈ bahˬ dehꞈ muˆ ni lawˬ haw laˇ gaˇ ya daˬ ngeh, aˬ yawꞈ saˇ jaˇ ziꞈ˗eu jeˬ˗ahˇ zaˬ miˬ aˬ buˇ kʼoeˇ gʼaˬ neh maˬ bi laˆ cawˆ˗eu gʼaˇ duˬ, teu gaˇ maˬ jawˇ ni cehˆ˗euˬ meh.—Aˇdahˬbeh˗eu 39:12; 1 Gawˇliˬtu 6:18.

Dehꞈ bahˬ dehꞈ muˆ˗eu jeˬ˗ahˇ yahˇ lehˇ ehˇ˗eu biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Jiˬ aˬ jeˬ˗euˬ gaˇ kawˆ˗ahˇ ya tahˬ puˬ˗euˬ nga?

• 

  Miˬkehˇ dzaw nymˇ˗euˬ gaˇ caw ba nehˬ laꞈ lehˇ shaˇ laˇ ngeh, Jiˬ aˬ joˆ˗ehˇ noeˬ˗eu nga?

• Miˬkehˇ neh shaˇ˗euˬ jeˬ heu Jiˬ˗ahˇ aˬ joˆ˗ehˇ deuˬ˗eu nga?

• 

  Jiˬ caw ba˗eu jeˬ˗ahˇ aˬ joˆ˗ehˇ za˗euˬ nga?

• 

  Jiˬ dehꞈ bahˬ dehꞈ muˆ˗eu jeˬ˗ahˇ yahˇ nya˗eu gʼaˇ duˬ, aˬ jeˬ jahˇ˗euˬ nga?

• Nawˇ biˬdiˬoˬ heu˗ahˇ neh aˬ jeˬ ya siˬ leˬ?