Beh taˬ˗euˬ jeˬ, nui kʼaˬ gaˇ kawˆ nehˬ˗ehˇ taꞈ leˇ˗awˇ aˬ dui˗ahˇ aˬ jeˬ mehˬ˗eu nga?

Yeˬhawˇbaˬ aˬ yawꞈ˗ahˇ duˇ˗eu seuˆ dzeuꞈ aˇ gʼehˇ mˇ lehˇ aˬ dui˗ahˇ mehˬ˗eu meh. Aˬ yawꞈ jahˇ˗eu dahˬ beh˗eu jeˬ naˇ, Jaˇliꞈ laꞈ kʼoeˇ zaˬ miˬ aˬ buˇ hawˇ˗eu zaˬ yo aˬ li deuˬ˗euˬ gaˇ kawˆ bi boꞈ ahˇ taˬ˗awˇ, nyaˆ taꞈ tiˬ jeˬ naˇ beh taˬ˗euˬ jeˬ˗ahˇ neh mehˬ˗eu meh. (Yawˇbaˆ 12:7, 8) Aˇ laˬ jaˬ shiˇ, mahˬ, ho laˬ, haˇmiˇbeu, ya ma, jeˬ zaˬ heu deuˬ, nui kʼaˬ gaˇ kawˆ nehˬ˗ehˇ taꞈ leˇ˗awˇ aˬ dui˗ahˇ aˬ jeˬ mehˬ˗eu nga?

Beh taˬ˗euˬ jeˬ˗ahˇ neh nui kʼaˬ dzaw geuꞈ lehˇ ehˇ˗eu biˬdiˬoˬ˗ahˇ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Aˇ laˬ jaˬ shiˇ aˬ ma deuˬ aˬ yawꞈ˗euˬ zaˬ˗ahˇ kʼaˬ duˬ ni aˬ joˆ˗ehˇ laꞈ piˇ˗euˬ nga?

• 

  Guiˇ deuˆ ngeh mahˬ˗ahˇ nui kʼaˬ bi ahˇ˗eu gʼaˇ duˬ, aˬ joˆ˗ehˇ ya dzaw nehˬ˗eu nga?

• 

  Ho laˬ aˬ jeˬ miˇ neh aˇ lawˇ˗euˬ doˆ˗ahˇ maˬ guˆ˗eu nga?

• 

  Yaw tiˇ tiˇ lehˇ gʼeh˗eu haˇmiˇbeu aˇ jiˇ kʼaˬ duˬ ni aˬ joˆ˗ehˇ gʼeh˗eu nga?

• 

  Ya ma baˬ maꞈ tiˬ mawˇ tiˇ mawˇ kʼaˬ duˬ ni aˬ joˆ˗ehˇ laˆ piˇ˗euˬ nga?

• Jeˬ zaˬ heu deuˬ kʼaˬ duˬ ni gʼeh˗eu gaˇ kawˆ, nawˬ˗ahˇ aˬ jeˬ mehˬ˗eu nya?