Miˬyehˇ˗euˬ gaˇ mˇ paw bym laˇ—Myaˆ pyawˬ mawˇ laˇ˗eu iˇteuˇkahˬ paw neh tsaꞈ gaˬ

Aˬ jeˬ miˇ neh aˇ yeˇ huiˬ nga?: Nymˬ˗mˇ iˬ nah caˆ keu ka deuˬ huiˬ laˇ mahˇ laˇ˗eu loꞈ˗ehˇ yaw haiˬ yaw doeˇ deuˬ jiˇ myaˬ laˇ˗eu miˇ neh, tsawˇ haˬ deuˬ iˇ kahˇ˗ahˇ aˇ baˇ deh caˆ hawˇ˗eu iˇteuˇkahˬ zmˬ˗eu meh. Aˬ yawꞈ maꞈ aˬ dui˗ahˇ mawˇ nya gaˇ neh, aˬ dui aˬ yawꞈ maꞈ˗ahˇ maˬ mawˇ nya˗eu tsawˇ haˬ˗ahˇ ya tsaꞈ gaˬ ngeh, aˬ dui kʼahˬ lahˇ nya˗eu meh. Laꞈ oˆ jaˆ˗eu nui noeˬ nui duˇ heu deuˬ naˇ, aˇ baˇ deh caˆ paw neh maˬ ehˇ, iˇteuˇkahˬ paw neh maˬ ehˇ, ya tsaꞈ gaˬ ngeh kʼaˬ duˬ ni tsaꞈ gaˬ peuˬ ni caw ba nehˬ laꞈ˗eu meh.

Mˇ paˬ˗ehˇ gʼeh˗eu jeˬ:

• Yaw muiˬ paw noeˬ, aˇ baˇ deh caˆ maˬ ngeuˇ naˇ, iˇteuˇkahˬ zmˬ˗eu nymˇ sahˇ gʼawˬ ma gʼaˬ aˬ dui nehˬ˗ehˇ ngehˬ cawˬ mawꞈ meh

• Aˇ baˇ deh caˆ tiˬ jeˬ na aˬ dui nymˇ sahˇ gʼaˬ˗ahˇ maˬ kuˇ mi naˆ˗ehˇ aˬ dui˗euˬ aˇ baˇ hawˇ˗eu teˇ saˇ dawˆ taˬ˗awˇ aˬ dui laˇ oˆ˗ahˇ maˬ oe keuˆ ngeh neh, nymˇ sahˇ gʼaˬ aˬ dui˗ahˇ mawˇ˗awˇ aˬ dui˗euˬ teˇ saˇ gaˬ nya meh lehˇ maˬ ya ngehˇ˗a

• Nymˇ sahˇ gʼaˬ ha geuꞈ ngeh, iˇteuˇkahˬ maˬ ngeuˇ naˇ, aˇ baˇ deh caˆ˗ahˇ neh, aˬ yawꞈ˗euˬ mehˬ shi ngehˬ˗eu loꞈ˗ehˇ ngehˬ. Nymˇ sahˇ gʼaˬ˗ahˇ uiˇ cawˬ nehˬ˗awˇ aˬ myah myah loꞈ˗ehˇ jawˇ. Kʼoeˇ naˇ yawˬ ha neh noeˬ taˬ˗euˬ loꞈ˗ehˇ ngehˬ. Aˬ dui˗euˬ myaˆ pyawˬ aˇ baˇ deh caˆ˗euˬ mehˬ shi aˇ dzehˬ˗ehˇ maˬ ya jiˆ peh leˇ˗a. Nymˇ sahˇ gʼaˬ tiˬ jeˬ maˬ ehˇ kʼoꞈ laꞈ naˇ, aˬ dui kʼawꞈ tiˬ jeˬ˗iˬ maˬ ya ngehˬ taˬ yaꞈ˗a

• Aˬ dui nehˬ˗ehˇ ngehˬ cawˬ gʼaˬ naˇ, nymˇ sahˇ gʼaˬ aˬ dui˗ahˇ haw luꞈ˗awˇ aˬ dui˗euˬ teˇ saˇ naˇ haˬ luꞈ˗eu kʼawꞈ pyeuꞈ nya meh lehˇ ya noeˬ taˬ