Yeˬhawˇbaˬ nehˬ˗ehˇ cawˬ cawˬ˗eu jeˬ˗ahˇ aˇ poeˬ taˬ baw

Yeˬhawˇbaˬ˗euˬ Saˇ kiˇ deuˬ muiˬ dui dui˗eu jeˬ za taˬ˗euˬ meh. Aˬ dui Yeˬhawˇbaˬ˗ahˇ a nehˬ˗awˇ iˇ cuꞈ shawˇ dzeuˇ˗euˬ kʼawꞈ, Dawˬ tawˆ kʼoeˇ taˆ uˆ lahˇ˗eu Yeˬhawˇbaˬ˗euˬ dawˬ peh jiˆ peh leˇ nya˗eu gʼaˇ duˬ, aˬ dui ya leh jeh daˆ leꞈ˗eu meh. Yeˬhawˇbaˬ aˬ dui˗ahˇ Yeˬsuˇ paw neh sheuˬ ha laꞈ˗euˬ meh. (Yoˇhaˬ 6:44) Aˬ yawꞈ aˬ dui˗euˬ shaˇ dawˬ˗ahˇ kʼawꞈ naˇ haˬ nehˬ laꞈ˗eu meh.—Ja ceuˬ 34:15.

Aˬ dui aˇ poeˬ baw˗eu jeˬ pyeuꞈ˗eu cawˬ cawˬ˗eu jeˬ heu˗ahˇ aˬ joˆ˗ehˇ haw piˇ nya˗eu nga? Aˬ dui jahˇ nya˗eu tiˬ jeˬ naˇ, Iˇsaˬleˬlaˆ tsawˇ haˬ loꞈ˗ehˇ maˬ ya mˇ bahˬ˗eu heu meh. Yeˬhawˇbaˬ nehˬ˗ehˇ saˇ jaˇ dzaˬ˗euˬ tiˬ kʼehˬ naˇ, aˬ yawꞈ maꞈ shuiˇ mawˇ neˇ mawˇ kawˇ tehˆ˗awˇ uˬ duˬ tahˬ˗euˬ meh. (Doˆ˗iˇ˗eu 32:7, 8; 1 Gawˇliˬtu 10:7, 11, 14) Yaw haˬ˗ahˇ heu loꞈ˗ehˇ naˇ haˬ. ‘Ngaˇ lawˬ haw laˇ˗eu jeˬ˗ahˇ ya tahˬ puˬ ngeh aˬ joˆ˗ehˇ jahˇ nya? Ngaˬ neh mˇ˗euˬ jeˬ heu Yeˬhawˇbaˬ nehˬ˗ehˇ cawˬ cawˬ˗eu jeˬ˗ahˇ aˇ poeˬ taˬ baw luꞈ miˇ˗a loˇ?’ Mˬ taˆ jawˇ˗eu Aˬda˗ahˇ gaˬ˗eu jeˬ heu aˬ yawꞈ bye˗eu jeˬ˗ahˇ yahˇ nya ni caw ba nehˬ˗eu meh.—Ja ceuˬ 97:10.

Yeˬhawˇbaˬ nehˬ˗ehˇ cawˬ cawˬ˗eu jeˬ˗ahˇ haw piˇ (Gawˇlawˇsehˇ 3:5) lehˇ ehˇ˗eu biˬdiˬoˬ˗ahˇ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• Nui kʼahˇ huiˬ˗eu jeˬ heu naˇ, aˬ jeˬ nga?

• Aˬ dui aˬ jeˬ miˇ neh nui kʼahˇ maˬ ya huiˬ˗eu uˬ taꞈ, tahˬ pahˬ aˬ ma mawˇ kawˇ˗ahˇ jiˇ uˬ duˬ maˬ ya tahˬ˗eu nga?

• Aˬ cawˬ nehˬ˗ehˇ joe˗eu jeˬ hawˇ˗eu tahˬ pahˬ aˬ ma mawˇ kawˇ˗ahˇ uˬ duˬ˗eu jeˬ aˬ joˆ˗ehˇ taꞈ˗eu nga?

• Aˬ dui yawˬ gʼaˬ na luꞈ aˇ maꞈ aˇ muˇ˗euˬ gaˇ mˇ˗eu deuˬ ngehˬ˗ehˇ dzehˬ aˬ jeˬ miˇ neh yawˬ ha˗euˬ aˇ gu˗ahˇ yaw muiˬ˗ehˇ ya ngehˬ gʼeh˗eu nga?