Yeˬhawˇbaˬ guiˬ lahˬ biꞈ˗eu lehˇ siˬ laˇ˗eu jeˬ

8:6-9, 12; 9:1-5, 23, 24

Aˬloˬ hawˇ˗eu aˬ yawꞈ˗euˬ aˬ li piˇ ma bi pyeuꞈ˗eu lehˇ tseˇ ngeh, Yeˬhawˇbaˬ jawˇ gaˇ neh oe˗euˬ miˬ dzaˬ, lawˇ˗eu shehˇ˗eu dahˬ beh˗eu poˆ˗ahˇ puiˆ dzaˬ˗euˬ meh. Heu naˇ Yeˬhawˇbaˬ piˇ ma deuˬ tseˇ gaˇ nui ma tsaˬ˗awˇ gʼaˬ biꞈ˗eu lehˇ siˬ laˇ˗eu meh. Yeˬhawˇbaˬ piˇ ma deuˬ˗ahˇ gʼaˬ biꞈ gaˇ Iˇsaˬleˬlaˆ deuˬ ya mawˇ ngeh, aˬ yawꞈ maꞈ jiˇ gʼaˬ ya biꞈ nga lehˇ siˬ leˇ˗euˬ meh. Nymˬ˗mˇ iˬ nah Yeˬhawˇbaˬ huiˬ dui dui˗eu Piˇ ma pyeuꞈ˗eu Yeˬsuˇ Ka li˗ahˇ zmˬ˗eu meh. (Heˬbyehˇ 9:11, 12) 1919 kʼoꞈ˗ahˇ Yeˬsuˇ aˇ muˇ muˇ zaˬ tiˬ muˇ˗ahˇ tseˇ doˆ taˬ˗awˇ “saˇ jaˇ ziꞈ˗awˇ noeˬ dahˇ doe˗eu zaˬ kʼaˆ” bi geuꞈ˗euˬ meh. (Maꞈtehˬ 24:45) Yeˬhawˇbaˬ saˇ jaˇ ziꞈ˗awˇ noeˬ dahˇ doe˗eu zaˬ kʼaˆ˗ahˇ nui ma tsaˬ˗awˇ guiˬ lahˬ biꞈ˗eu uˬ taꞈ, gʼaˬ jiˇ biꞈ˗eu lehˇ siˬ laˇ˗eu aˬ jeˬ jeˇ jaˆ˗eu nga?

• Kʼehˬ˗eu kʼaˆ˗eu jeˬ jaˆ kʼawꞈ saˇ jaˇ ziꞈ˗awˇ noeˬ dahˇ doe˗eu zaˬ kʼaˆ maˬ tsehˆ leˇ ni nui jah paw˗euˬ dzaˇ lehˬ hmˬ nehˬ daˆ leˆ

• Maˬ keuˆ laˇ miˇ ehˇ taˬ loꞈ˗ehˇ laˬ kʼaˬ cehˇ˗eu guiˬ lahˬ dawˬ “miˇ tsaˬ tahˬ kʼawˇ heu doe ni” mehˬ doe.—Maꞈtehˬ 24:14

Aˬ dui saˇ jaˇ ziꞈ˗awˇ noeˬ dahˇ doe˗eu zaˬ kʼaˆ˗ahˇ gʼaˬ aˬ joˆ˗ehˇ biꞈ nya˗eu nga?