Miˬyehˇ˗euˬ gaˇ mˇ paw bym laˇ—Naˬ gaˬ paw neh tsaꞈ gaˬ

Aˬ jeˬ miˇ neh aˇ yeˇ huiˬ˗eu nga?: Naˬ gaˬ paw neh tsaꞈ gaˬ˗eu heu naˇ ‘laˬ kʼaˬ cehˇ˗eu guiˬ lahˬ dawˬ miˇ tsaˬ tahˬ kʼawˇ heu doe ni’ tsaꞈ gaˬ gaˇ caw ba˗eu aˇ yeˇ huiˬ˗eu tiˬ jeˬ pyeuꞈ meh. (Gʼaˬkʼehˇ 20:24)a Heu loꞈ˗ehˇ tsaꞈ gaˬ˗eu heu naˇ, iˇ kahˇ yaw kʼaˆ˗ehˇ maˬ jawˇ˗eu deuˬ˗ahˇ laˬ kʼaˬ cehˇ˗eu guiˬ lahˬ dawˬ ehˇ nehˬ nya˗eu meh.

Mˇ paˬ˗ehˇ gʼeh˗eu jeˬ:

• 

  Lehˬ hmˬ. Tsawˇ haˬ deuˬ siˬ nya mawꞈ˗eu gaˇ kawˆ deuˬ tseˇ˗awˇ, aˬ dui aˬ jeˬ ngehˬ˗eu lehˇ ya boꞈ taˬ˗eu uˬ taꞈ, aˬ dui naˬ gaˬ ngehˬ˗iˬ ngeh, aˬ jeˬ ngehˬ˗eu lehˇ boꞈ taˬ˗awˇ aˬ jeˬ zmˬ˗eu lehˇ jiˇ ya lehˬ hmˬ˗eu meh. Yaw jeˬ ma jeˬ JW Laiˇbaˬliˬ maˬ ngeuˇ naˇ jw.org^® gʼoeˇsaiˇ pah taˬ˗euˬ naˬ gaˬ, tehˇbeˬ˗leꞈ, kahˬpyuˇteuˬ, heu deuˬ pyeuꞈ meh

• 

  Yaw juˬ taˬ juˬ. Aˬ dui tsawˇ haˬ deuˬ nehˬ˗ehˇ ngehˬ cawˬ luꞈ˗eu loꞈ˗ehˇ, aˬ myah myah ngehˬ˗eu loꞈ˗ehˇ ngehˬ˗awˇ uiˇ. Gʼeh nya naˇ ciˬ cuˇ ni taˬ jawˇ. Aˬ dui nehˬ˗ehˇ jawˇ cawˬ tiˬ gʼaˬ jawˇ naˇ muiˬ dzehˬ˗eu meh. Nymˇ sahˇ gʼaˬ naˇ haˬ˗eu jeˬ naˇ haˬ laˇ ngeh, aˬ dui nehˬ˗ehˇ jawˇ˗eu mehˇ nmˇ teu gʼaˬ dawˬ kʼoꞈ bi poˆ caw˗eu gʼaˇ duˬ, nymˇ sahˇ gʼaˬ neh naˇ haˬ˗euˬ jeˬ˗ahˇ tiˬ poˆ paˇ ngehˬ poˆ

• 

  Gʼa kʼoꞈ iˇ˗eu gʼaˇ duˬ gaˇ ma shaˇ dahˇ yaꞈ. Tsawˇ haˬ teu gʼaˬ siˬ nya mawꞈ naˇ, naˬ gaˬ ngehˬ iˬ˗awˇ dawˬ kʼoꞈ biꞈ˗eu gʼaˇ duˬ, tiˬ jeˬ na naˇ haˬ taˬ yaꞈ paˬ˗ehˇ gʼeh˗eu meh. Aˬ dui iˇ˗meˬ˗oˬ paw neh maˬ ehˇ, aˬ yawꞈ jawˇ gaˇ iˇ˗awˇ neh maˬ ehˇ, paˇ dmˬ tiˬ dmˬ na sha ha nehˬ le nya ma lehˇ ehˇ nehˬ nya meh. Kʼoeˇ uˬ taꞈ aˬ dui biˬdiˬoˬ hawˇ˗eu gaˇ kawˆ tiˬ jeˬ na sahˬ boꞈ paw neh maˬ ngeuˇ naˇ, iˇ˗meˬ˗oˬ paw neh sha ha leꞈ ma lehˇ jiˇ ehˇ nehˬ nya˗eu meh. Aˬ yawꞈ nui ma ahˇ˗eu lehˇ ya mawˇ naˇ, aˬ dui˗euˬ gʼoeˇsaiˇ laꞈ kʼoeˇ ahˇ˗eu paˇ dmˬ maˬ ngeuˇ naˇ paˇ dmˬ tiˬ dmˬ na ehˇ mawˇ nehˬ