Poˆ jeˬ poˆ kawˆ

“Yaw shuiꞈ aˬ jeˬ jaˆ nga?” lehˇ ehˇ˗eu tsahˇ˗ahˇ yaw muiˬ˗ehˇ aˬ joˆ˗ehˇ zmˬ nya˗eu nga?

jw.org gʼoeˇsaiˇ laꞈ kʼoeˇ hawˇ˗eu JW Laiˇbaˬliˬ laꞈ kʼoeˇ “Yaw shuiꞈ aˬ jeˬ jaˆ nga?” lehˇ ehˇ˗eu tsahˇ˗ahˇ maˬ myahˇ laˇ˗euˬ heu kaˬ˗ahˇ doˆ laˇ˗euˬ paˇ dmˬ hawˇ˗eu biˬdiˬoˬ deuˬ jaˆ˗eu meh. Nawˇ heu tsahˇ˗ahˇ aˬ joˆ˗ehˇ zmˬ nya˗eu nga?

JW Laiˇbaˬliˬ ehˆ

• Gaˇ kawˆ yaw shuiꞈ doˆ laˇ ngeh ehˆ teu kawˆ nehˬ˗ehˇ taꞈ˗eu jaˆ tawˆ˗eu gaˇ kawˆ dawˬ tawˆ luꞈ˗ahˇ amˇde jahˇ˗eu meh. Teu miˇ neh nawˇ “Yaw shuiꞈ aˬ jeˬ jaˆ nga?” lehˇ ehˇ˗eu tsahˇ˗ahˇ haw ngeh, teu laꞈ kʼoeˇ jaˆ tawꞈ˗eu gaˇ kawˆ˗ahˇ ya mawˇ naˇ, nawˇ taˆ lehˇ daoˇloˆ nya meh. Kʼoeˇ naˇ laꞈ taˆ taˆ saˬ doˆ laˇ˗euˬ kawˆ˗ahˇ gui nya meh.

• Loꞈ˗eu nymˇgoˇ paˇ dmˬ loꞈ˗ehˇ sahˬ boꞈ gʼawˬ mya ni ahˇ˗eu paˇ dmˬ deuˬ˗ahˇ tiˬ poˆ tehꞈ˗ehˇ maˬ gui jiˇ nya˗eu miˇ neh, yaw awˬ awˬ˗ehˇ gui tawꞈ leˇ nya˗eu gʼaˇ duˬ, “Ya leˇ dzehˬ˗eu deuˬ” lehˇ ehˇ˗eu tsahˇ˗ahˇ toeˬ ahˇ gʼeh. Nawˇ gui jiˇ naˇ teu gaˇ neh toeˬ dzeh nya meh.

JW.ORG gʼoeˇsaiˇ

JW Library ehˆ laꞈ kʼoeˇ maˬ ahˇ˗eu tiˬ jeˬ na jaˆ˗eu meh. Yaw jeˬ ma jeˬ, dawˬ gaˬ kʼawˬ˗eu hawˇ˗eu dawˬ tsaꞈ dawˬ dzawˇ. Teu miˇ neh nawˇ aˬ myah luꞈ doˆ saˬ saˬ laˇ˗eu gaˇ kawˆ˗ahˇ ya siˬ˗eu gʼaˇ duˬ jw.org gʼoeˇsaiˇ laꞈ kʼoeˇ “Yaw shuiꞈ aˬ jeˬ jaˆ nga?” lehˇ ehˇ gaˇ haw leˇ paˬ˗ehˇ gʼeh˗eu meh.