Gʼoeˇsaiˇ zmˬ jeˬ zmˬ kawˆ

Dahˬ beh˗eu myaˆ pyawˬ˗ahˇ byaˬ taˬ˗euˬ gaˇ dawˆ deuˬ˗ahˇ aˬ joˆ˗ehˇ poˆ nya˗eu nga?

Mehˇ nmˇ yaw myaˬ gʼaˬ gʼoeˇsaiˇ laꞈ kʼoeˇ dahˬ beh˗eu myaˆ pyawˬ˗ahˇ byaˬ taˬ˗euˬ gaˇ kawˆ deuˬ tsaꞈ gaˬ˗eu gaˇ˗ahˇ yaw muiˬ˗ehˇ zmˬ˗iˇ nya gaˇ ya mawˇ˗euˬ meh. Aˬ jeˬ miˇ neh ehˇ naˇ, gaˇ kawˆ teu deuˬ Jaˇliꞈ laꞈ kʼoeˇ˗euˬ maˬ keuˆ laˇ miˇ ehˇ taˬ˗euˬ loꞈ˗ehˇ byah laˇ˗euˬ gaˇ kawˆ deuˬ pyeuꞈ˗awˇ, liˆ˗kuiꞈ jiˇ yaw awˬ˗ehˇ sha nya˗eu miˇ neh meh. Mehˇ nmˇ zaˬ yo aˬ li tiˬ gʼaˬ aˬ dui˗euˬ gʼoeˇsaiˇ laꞈ kʼoeˇ dahˬ beh˗eu myaˆ pyawˬ˗ahˇ byaˬ taˬ˗euˬ gaˇ kawˆ deuˬ nehˬ˗ehˇ taꞈ leˇ˗awˇ, “Nymˬ˗mˇ iˬ nah aˬ dui tsaꞈ gaˬ˗eu gaˇ kawˆ nehˬ˗ehˇ taꞈ leˇ˗awˇ, tsaˬ leˇ dui dui ngaˇ” lehˇ ehˇ˗eu meh.

Ehˇ kʼawꞈ gʼoeˇsaiˇ laꞈ kʼoeˇ dahˬ beh˗eu myaˆ pyawˬ˗ahˇ byaˬ taˬ˗euˬ gaˇ kawˆ deuˬ tiˬ kʼehˬ maˬ kaˬ paˇ˗iˇ˗eu meh. Toˆ˗ehˇ naˇ nawˇ za mawꞈ˗eu gaˇ kawˆ deuˬ˗ahˇ aˬ joˆ˗ehˇ poˆ mawˇ nya˗eu nga?

• jw.org gʼoeˇsaiˇ laꞈ kʼoeˇ dahˬ beh˗eu myaˆ pyawˬ˗ahˇ jaˆ˗eu “Haw lahˬ” lehˇ ehˇ gaˇ toeˬ. Liˆ˗kuiꞈ heu naˇ “Dahˬ beh˗eu myaˆ pyawˬ˗ahˇ byaˬ taˬ˗euˬ gaˇ dawˆ deuˬ” jaˆ gaˇ sheuˬ gʼeh˗eu meh. Teu laꞈ kʼoeˇ maˬ myahˇ laˇ˗euˬ heu kaˬ˗ahˇ byaˬ taˬ˗euˬ gaˇ kawˆ deuˬ ahˇ˗eu meh.

• jw.org gʼoeˇsaiˇ maˬ ngeuˇ naˇ JW Laiˇbaˬliˬ laꞈ kʼoeˇ “Jahˇ doˆ taˬ˗euˬ jeˬ” lehˇ boꞈ taˬ˗euˬ gaˇ toeˬ˗awˇ, “Jaˆ tawꞈ˗eu gaˇ kawˆ” lehˇ boꞈ taˬ˗euˬ gaˇ toeˬ. Jiˇ naˇ “Gaˇ kawˆ nui deuˬ” lehˇ boꞈ taˬ˗euˬ gaˇ toeˬ. Teu laꞈ kʼoeˇ maˬ myahˇ laˇ˗euˬ heu kaˬ˗ahˇ byaˬ taˬ˗euˬ gaˇ kawˆ deuˬ ahˇ˗eu meh.