Tsaꞈ gaˬ˗iˇ ngeh jw.org gʼoeˇsaiˇ laꞈ kʼoeˇ˗euˬ dahˬ beh˗eu myaˆ pyawˬ˗ahˇ zmˬ

Aˬ dui˗euˬ gʼoeˇsaiˇ laꞈ kʼoeˇ˗euˬ dahˬ beh˗euˬ myaˆ pyawˬ˗ahˇ naˇ, tsawˇ haˬ deuˬ yaw tsaˬ yaw dawˇ˗ahˇ ha geuꞈ ni nui ma˗ahˇ laˆ noeˬ nehˬ˗eu gʼaˇ duˬ, gaˇ kawˆ deuˬ hawˇ˗eu biˬdiˬoˬ deuˬ jahˇ doˆ taˬ˗euˬ meh. (Gʼaˬkʼehˇ 13:48) Gaˇ kawˆ myaˬ tiˬ paˆ naˇ nymˬ˗mˇ iˬ nah tsawˇ haˬ deuˬ kʼahˬ lahˇ˗eu gaˇ kawˆ hawˇ˗eu yaw kʼaˆ˗ehˇ nui ma ahˇ˗eu gaˇ kawˆ deuˬ pyeuꞈ meh.

Nawˇ tsaꞈ gaˬ˗iˇ ngeh jw.org gʼoeˇsaiˇ laꞈ kʼoeˇ˗euˬ dahˬ beh˗eu myaˆ pyawˬ˗ahˇ aˬ joˆ˗ehˇ zmˬ nya˗eu nga?

• Gʼoeˇsaiˇ laꞈ kʼoeˇ tiˬ kʼehˬ maˬ kaˬ ahˇ leˇ. Gʼoeˇ saiˇ laꞈ kʼoeˇ dahˬ beh˗eu myaˆ pyawˬ˗ahˇ aˬ jeˬ˗euˬ gaˇ kawˆ˗ahˇ ngehˬ keuˆ taˬ˗euˬ nga lehˇ haw leˇ˗awˇ, nui ma ahˇ˗eu deuˬ nehˬ˗ehˇ gaˇ kawˆ teu˗ahˇ zmˬ˗awˇ aˬ joˆ˗ehˇ ngehˬ cawˬ nya˗eu nga lehˇ shaˇ noeˬ haw. (Dahˬ beh˗eu myaˆ pyawˬ˗ahˇ byaˬ taˬ˗euˬ gaˇ kawˆ deuˬ˗ahˇ poˆ tseˇ mawꞈ naˇ, “Haw lahˬ” lehˇ ehˇ gaˇ toeˬ.) Nawˇ gʼoeˇsaiˇ laꞈ kʼoeˇ tiˬ kʼehˬ maˬ kaˬ ahˇ leˇ naˇ, tsaꞈ gaˬ˗eu gaˇ˗ahˇ zmˬ˗iˇ nya˗eu yaw shuiꞈ jeˬ za˗eu meh.

• Ngehˬ cawˬ dahˬ beh˗eu gʼaˇ duˬ dahˬ beh˗eu myaˆ pyawˬ˗ahˇ ahˇ˗eu gaˇ kawˆ deuˬ hawˇ˗eu biˬdiˬoˬ deuˬ zmˬ. Gaˇ kawˆ heu deuˬ naˇ, tsawˇ haˬ deuˬ aˬ jeˬ˗euˬ gaˇ kawˆ˗ahˇ siˬ nya mawꞈ nga lehˇ aˬ dui˗ahˇ siˬ laˇ ni caw ba.

• Tsawˇ haˬ deuˬ˗ahˇ dahˬ beh˗eu myaˆ pyawˬ˗ahˇ bi haw. Aˬ yawꞈ maꞈ siˬ nya mawꞈ paˬ˗ehˇ gʼeh˗eu gaˇ kawˆ˗ahˇ tseˇ˗awˇ, gʼoeˇsaiˇ laꞈ kʼoeˇ gaˇ kawˆ deuˬ˗ahˇ aˬ joˆ˗ehˇ poˆ tseˇ nya˗eu lehˇ dzawˇ nehˬ.

• Liˆ˗kuiꞈ sha nehˬ. Tiˬ deuˬ na aˬ dui nehˬ˗ehˇ ngehˬ cawˬ˗eu aˇ yamˬ maˬ jaˆ˗a. Ehˇ kʼawꞈ aˬ yawꞈ maꞈ aˬ dui˗euˬ gʼoeˇsaiˇ˗ahˇ haw leˇ mawꞈ˗eu kʼawꞈ pyeuꞈ nya meh. Teu miˇ neh aˬ yawꞈ maꞈ˗ahˇ dahˬ beh˗eu myaˆ pyawˬ˗ahˇ maˬ ngeuˇ naˇ, gaˇ kawˆ nui deuˬ hawˇ˗eu biˬdiˬoˬ nui deuˬ˗euˬ liˆ˗kuiꞈ sha nehˬ nya meh.