Miˬyehˇ˗euˬ gaˇ mˇ paw bym laˇ —JW.ORG zmˬ jeˬ zmˬ kawˆ

Gaˇ kawˆ heu aˬ jeˬ miˇ neh aˇ yeˇ huiˬ˗eu nga?: Aˬ dui˗euˬ Mehˬ˗eu Keu ka bawˬ keuˆ laꞈ kʼoeˇ ahˇ˗eu yawˬ jeˬ na luꞈ gʼoeˇsaiˇ jw.org˗ahˇ ngehˬ keuˆ˗eu meh. Maˇ diˇ naˇ ngehˬ cawˬ˗eu aˇ taꞈ hawˇ˗eu Dehꞈ ziˇ˗ahˇ taꞈ˗eu aˇ yehˇ huiˬ˗eu gaˇ kawˆ aˬ gaˇ poˆ iˇ nmˇ? lehˇ ehˇ˗eu sahˬ boꞈ aˇ taꞈ heu naˇ, aˬ dui˗euˬ gʼoeˇsaiˇ˗ahˇ bi haw leˇ˗eu gʼaˇ duˬ jahˇ doˆ taˬ˗euˬ meh. Mehˬ˗eu Keu ka laꞈ kʼoeˇ ahˇ˗eu boꞈ doˆ jahˇ doˆ taˬ˗euˬ jeˬ, iˇ˗meˬ˗oˬ neh maˬ ehˇ, liˆ˗kuiꞈ (link) neh maˬ ehˇ, Eˆleꞈtawˇniꞈ paw neh aˬ cawˬ˗ahˇ biˇ nehˬ nya meh. Heu naˇ, aˬ cawˬ˗euˬ tsawˇ jeuˬ deuˬ˗ahˇ tsaꞈ gaˬ ngeh ngehˬ˗ehˇ dzehˬ gaˇ dahˇ tsoeˬ dui dui˗eu meh. Kʼoeˇ naˇ, tsawˇ haˬ deuˬ Mehˬ˗eu Keu ka laꞈ kʼoeˇ maˬ ahˇ˗eu jeˬ naˇ haˬ laˇ nya meh. Aˬ dui gʼoeˇsaiˇ˗ahˇ yaw muiˬ˗ehˇ zmˬ nya naˇ, Miˬyehˇ gaˇ yaw muiˬ˗ehˇ mˇ nya laˇ meh.

Aˬ joˆ˗ehˇ ya jahˇ˗eu nga?:

• 

  “Jaˇliꞈ mehˬ˗eu jeˬ” lehˇ boꞈ taˬ˗euˬ gaˇ toeˬ. Yaw jeˬ ma jeˬ, nawˇ zaˬ jawˇ˗eu aˬ da aˬ ma˗ahˇ tsaꞈ gaˬ ngeh, aˬ yawꞈ maꞈ zaˬ cu˗eu gaˇ kawˆ˗ahˇ siˬ nya mawꞈ naˇ, Jaˇliꞈ mehˬ˗eu jeˬ > Nymˇ dahˬ dahˬ dzaˬ˗eu jeˬ hawˇ˗eu Nymˇ jiˇ lehˇ boꞈ taˬ˗euˬ gaˇ haw iˇ.

• “Boꞈ doˆ jahˇ doˆ taˬ˗euˬ jeˬ” lehˇ boꞈ taˬ˗euˬ gaˇ toeˬ. Yaw jeˬ ma jeˬ, nawˇ sahˬ boꞈ dzaw nymˇ˗ahˇ kʼaˇ yehꞈ laˇ˗eu loꞈ˗ehˇ tsaꞈ gaˬ ngeh, nawˬ˗euˬ cawˬ˗ahˇ Zaˬ guˬ deuˬ naˇ haˬ˗eu jeˬ 10 kawˆ lehˇ ehˇ˗eu boˬloˬshaˬ biꞈ nehˬ mawꞈ naˇ, Boꞈ doˆ jahˇ doˆ taˬ˗euˬ jeˬ > Paˇ dmˬ hawˇ˗eu Boˬloˬshaˬ lehˇ boꞈ taˬ˗euˬ gaˇ haw iˇ.

• “Nga maꞈ nehˬ˗ehˇ taꞈ˗eu” lehˇ boꞈ taˬ˗euˬ gaˇ toeˬ. Yaw jeˬ maˬ jeˬ, aˬ dui˗euˬ nui jah˗euˬ gaˇ kawˆ siˬ nya mawꞈ˗eu gaˇ mˇ cawˬ˗ahˇ tsaꞈ gaˬ luꞈ naˇ, Nga maꞈ nehˬ˗ehˇ taꞈ˗eu > Tiˬ kʼehˬ maˬ taˬ naˇ haˬ laˇ˗eu jeˬ lehˇ boꞈ taˬ˗euˬ gaˇ haw iˇ.

JW.ORG zmˬ jeˬ zmˬ kawˆ lehˇ ehˇ˗eu biˬdiˬoˬ haw˗awˇ, laꞈ oˆ jaˆ˗eu gaˇ kawˆ heu deuˬ poˆ˗eu gʼaˇ duˬ, aˬ gaˇ ya ahˇ iˇ˗eu nga lehˇ haw:

• Miˬyehˇ˗ahˇ maˬ jah˗eu deuˬ

• nymˬ˗mˇ hawˇ˗eu doeˇ dui dui˗eu gaˇ kawˆ˗ahˇ ya tahˬ puˬ˗euˬ deuˬ

• maˬ paˇ tsaꞈ gaˬ iˇ˗euˬ mehˇ nmˇ deuˬ

• aˬ dui˗euˬ gaˇ aˬ gaˇ˗euˬ pyuˇ neh mˇ luꞈ˗eu nga lehˇ siˬ nya mawꞈ˗eu nui ma ahˇ˗eu deuˬ

• aˬ yawꞈ maꞈ˗euˬ miˇ kʼahˬ˗ahˇ bawˬ dzaˬ gaˇ iˇ mawꞈ˗eu yawˬ kʼahˬ yawˬ˗ahˇ˗euˬ tsawˇ haˬ