Noeˬ mawˇ˗eu mehˬ bawˬ˗euˬ gʼaˇ duˬ lehˬ hmˬ

Yeˬsuˇ neh Baˬsaˬkaˬ hawˬ byawˇ dzaˬ saˬ saˬ˗euˬ poˆ naˇ aˇ yeˇ˗eu meh. Aˬ jeˬ miˇ neh ehˇ naˇ teu ngeh aˬ yawꞈ shiˇ˗eu peh laˇ taˬ˗awˇ gʼaˬ kehˇ deuˬ nehˬ˗ehˇ Baˬsaˬkaˬ dzaˬ˗eu lehˇ noeˬ taˬ˗euˬ uˬ taꞈ, yawˬ kʼoꞈ na luꞈ ya jahˇ˗eu Ka li˗euˬ ciꞈ hawˬ byawˇ lehˇ kuˇ˗eu baw˗iˬ yaw shuiꞈ jiˇ jahˇ doˆ laꞈ˗eu miˇ neh meh. Teu miˇ neh Yeˬsuˇ Beˬtuꞈluˆ hawˇ˗eu Yoˇhaˬ˗ahˇ aˇ lawˆ bi lehˬ hmˬ iˇ˗euˬ meh. (Luˇkaꞈ 22:7-13; sahˬ boꞈ baˆ kʼoˆ˗euˬ aˇ baˇ˗ahˇ haw.) Heu naˇ aˬ dui˗ahˇ Smˇ siˬ ba la 27 nah˗ahˇ jahˇ˗eu Noeˬ mawˇ˗eu mehˬ bawˬ˗euˬ gʼaˇ duˬ aˬ jeˬ jeˇ ya lehˬ hmˬ˗eu lehˇ bi shaˇ noeˬ laˇ˗eu meh. Aˇ muˇ deuˬ dawˬ mehˬ mehˬ˗eu gʼaˬ maˬ ehˇ, kaˬ muˇ hawˇ˗eu aˬ gaꞈ dzaˇ uiˇ maˬ ehˇ, nui jeˬ maˬ ehˇ, lehˬ hmˬ˗eu meh. Aˬ dui tawˇ neh, Noeˬ mawˇ˗eu mehˬ bawˬ˗euˬ gʼaˇ duˬ aˬ joˆ˗ehˇ lehˬ hmˬ dah taˬ nya˗eu nga?

Nui ma lehˬ hmˬ. Noeˬ mawˇ˗eu mehˬ bawˬ yaw kaˬ˗ahˇ gui˗eu Jaˇliꞈ aˇ deuˆ˗ahˇ gui˗awˇ shaˇ noeˬ shaˇ sawˇ. Jaˇliꞈ aˇ deuˆ teu deuˬ yawˬ nah na luꞈ Jaˇliꞈ˗ahˇ pyehˆ tseˇ lehˇ ehˇ˗eu paˇ dmˬ˗ahˇ haw nya meh. Kʼoeˇ naˇ Miˇ shuiꞈ dawˬ paˇ Jaˇliꞈ laꞈ kʼoeˇ ahˇ˗eu dzaw lahˬ B12-ahˇ heu naˆ maˬ tseˇ dzawˇ nehˬ taˬ˗euˬ aˇ baˇ law muˇ ahˇ˗eu meh. (2020 kʼoꞈ, Oeˬ siˬ ba la˗euˬ Ka li zaˬ˗euˬ dehꞈ ziˇ hawˇ˗eu tsaꞈ gaˬ˗eu gaˇ mˇ˗eu Bawˬ dzaˬ˗eu sahˬ boꞈ aˇ taꞈ˗ahˇ jiˇ haw.) Kʼoeˇ uˬ taꞈ nymˇ jiˇ uˬ duˬ tahˬ ngeh zmˬ˗eu gʼaˇ duˬ ka kʼoꞈ˗eu jeˬ aˬ joˆ˗ehˇ aˇ yeˇ huiˬ˗eu lehˇ heu naˆ maˬ tseˇ dzawˇ nehˬ taˬ˗euˬ gaˇ kawˆ Gʼawˇ˗ciˬtaoˬbeuˇ˗euˬ paˇ dmˬ deuˬ toeˬ mehˬ˗eu jeˬ maˬ ngeuˇ naˇ, Yeˬhawˇbaˬ˗euˬ Saˇ kiˇ deuˬ˗euˬ poˆ tseˇ˗eu keu ka lehˇ ehˇ˗eu paˇ dmˬ˗ahˇ haw nya meh.

Tsawˇ haˬ deuˬ˗ahˇ mehˬ bawˬ˗ahˇ laˇ lehˇ kuˇ gaˬ. Noeˬ mawˇ˗eu mehˬ bawˬ˗ahˇ bi laˇ˗eu gʼaˇ duˬ, kʼaˇ gʼeh nya gaˇ neh leh jeh˗awˇ tsawˇ haˬ deuˬ˗ahˇ kuˇ gaˬ. Aˬ suˇ suˇ gʼaˬ˗ahˇ kuˇ paˬ nga lehˇ shaˇ noeˬ haw. Yaw jeˬ ma jeˬ gʼaˬ kʼoꞈ iˇ˗eu deuˬ, Jaˇliꞈ dzaw haw˗euˬ deuˬ, aˬ dui siˬ nya˗eu deuˬ, yuiꞈ nyiˇ deuˬ, heu deuˬ˗ahˇ kuˇ nya meh. Kʼoeˇ uˬ taꞈ aˇ muˇ˗ahˇ sheuˬ gʼeh˗eu deuˬ maˬ paˇ bawˬ dzaˬ ni naˬ leˇ˗euˬ deuˬ˗ahˇ kuˇ paˬ˗ehˇ gʼeh˗eu meh. Aˬ dui neh kuˇ˗euˬ deuˬ aˬ dui˗euˬ tsaꞈ gaˬ duˬ˗ahˇ maˬ jawˇ naˇ aˬ yawꞈ˗ahˇ noeˬ mawˇ˗eu mehˬ bawˬ˗ahˇ oe nya ni caw ba nehˬ˗eu gʼaˇ duˬ jw.org gʼoeˇsaiˇ laꞈ kʼoeˇ Ngaˬ maꞈ nehˬ˗ehˇ taꞈ˗eu lehˇ boꞈ taˬ˗euˬ gaˇ toeˬ gʼaˬ naˇ, “Noeˬ mawˇ˗eu” lehˇ boꞈ taˬ˗euˬ gaˇ toeˬ˗awˇ, aˇ yamˬ hawˇ˗eu bawˬ dzaˬ duˬ poˆ caw nehˬ nya meh.

Aˬ dui aˬ jeˬ jeˇ paˇ lehˬ hmˬ nya nga siˬ?