Yeˬhawˇbaˬ˗ahˇ aˬ myah luꞈ noeˬ keuˆ

Aˬ dui gaˇ maˬ jaˆ ni shaˬ luꞈ ngeh, Miˬyehˇ˗euˬ Miˇkʼahˬ hawˇ˗eu Miˬyehˇ˗euˬ yaw tsaˬ yaw dawˇ jeˬ˗ahˇ jeˬ huˬ poˆ˗eu yaw shaˬ meh. Teu ngeh aˬ dui˗ahˇ Yeˬhawˇbaˬ˗euˬ gaˇ maˬ bi mˇ ni maˬ ehˇ, Jaˇliꞈ zahˇ nehˬ˗ehˇ maˬ tsaˬ leˇ˗eu jeˬ˗ahˇ mˇ ni maˬ ehˇ, lawˬ haw laˇ˗eu gaˇ˗ahˇ ya mawˇ˗eu kʼawꞈ pyeuꞈ nya meh. Ehˇ kʼawꞈ Yeˬhawˇbaˬ aˬ yawꞈ˗euˬ baoˬ zmˬ˗awˇ, “aˬ yawꞈ˗ahˇ saˇ jaˇ ziꞈ˗eu deuˬ˗ahˇ” caw ba meh lehˇ aˬ dui noeˬ tmˬ nya meh. (2 Laˬsaˬbaˬ 16:9) Aˬ dui˗ahˇ gaˬ˗eu Aˬda Yeˬhawˇbaˬ aˬ dui loˬ˗eu jeˬ biꞈ nehˬ meh. Aˬ yawꞈ˗ahˇ tiˬ jeˬ˗iˬ maˬ laˆ tsoeˬ nya˗a. (Loˇmaˆ 8:32) Teu miˇ neh gaˇ mˇ˗eu gaˇ kawˆ˗ahˇ noeˬ tsehˆ ngeh, Yeˬhawˇbaˬ˗ahˇ nui ma taˬ˗awˇ, aˬ yawꞈ˗euˬ gaˇ mˇ˗eu lehˇ naˬ ba tiꞈ ya taˬ˗eu meh.—Ja ceuˬ 16:8.

Yeˬbawˇbaˬ˗euˬ gʼaˇ duˬ kʼaˇgʼeh nya gaˇ neh leh jeh˗awˇ mˇ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Jeˇsahˬ aˬ jeˬ miˇ neh laꞈ nmꞈ nmꞈ˗eu jeˬ˗ahˇ maˬ ha geuꞈ˗eu nga?

• 

  Gawˇlawˇsehˇ 3:23 laꞈ kʼoeˇ˗euˬ dawˬ, aˬ dui˗euˬ dehꞈ ziˇ laꞈ kʼoeˇ aˬ joˆ˗ehˇ zmˬ iˇ nya˗eu nga?

• 

  Jeˇsahˬ neh mˇ˗euˬ jeˬ Toˇmaˆ˗ahˇ aˬ joˆ˗ehˇ gʼeh leˇ˗euˬ nga?

• 

  Maꞈtehˬ 6:22 laꞈ kʼoeˇ˗euˬ dawˬ, aˬ dui˗euˬ dehꞈ ziˇ laꞈ kʼoeˇ aˬ joˆ˗ehˇ zmˬ iˇ nya˗eu nga?