Beh taˬ˗euˬ jeˬ Yeˬhawˇbaˬ˗euˬ zaˬ siˬ nui gahˇ˗ahˇ nui ma bi taˬ dzehˬ laˇ

Yeˬhawˇbaˬ aˬ dui˗euˬ gʼaˇ duˬ, kʼaˇ muiˬ dzehˬ˗eu jeˬ˗ahˇ siˬ nya˗eu meh. Aˬ dui teu loꞈ˗ehˇ jah naˇ Yeˬhawˇbaˬ˗euˬ dawˬ˗ahˇ mˇ caw˗eu meh. Teu nui gahˇ ahˇ˗eu jeˬ pyeuꞈ meh. (Dawˬdaˬ 16:3, 9) Ehˇ kʼawꞈ, Yeˬhawˇbaˬ˗euˬ dawˬ aˬ dui neh noeˬ˗euˬ loꞈ˗ehˇ maˬ ngeuˇ naˇ, aˬ yawꞈ˗euˬ dawˬ˗ahˇ mˇ caw˗eu yaw shaˬ meh. Teu miˇ neh aˬ dui beh taˬ˗euˬ jeˬ˗ahˇ shaˇ noeˬ shaˇ sawˇ naˇ, Yeˬhawˇbaˬ˗euˬ zaˬ siˬ nui gahˇ˗ahˇ nui ma taˬ dzehˬ laˇ˗eu meh.—Dawˬdaˬ 30:24, 25; Loˇmaˆ 1:20.

Beh˗euˬ nga loˇ? Aˇ ho tiˬ mawˇ tiˇ mawˇ maˬ tahˬ ni aˬ joˆ˗ehˇ yahˇ nya˗eu nga? lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Aˇ ho deuˬ aˬ yawꞈ nah yawꞈ aˬ jeˬ jeˇ jahˇ˗eu nga?

• Aˇ ho deuˬ tiˬ mawˇ tiˇ mawˇ maˬ tahˬ ni aˬ joˆ˗ehˇ yahˇ nya˗eu nga?

• Aˇ ho deuˬ cah˗eu gaˇ kawˆ˗ahˇ neh, tsawˇ haˬ deuˬ aˬ jeˬ dzaw geuꞈ mawꞈ˗eu nga?

Beh˗euˬ nga loˇ? Byaˬ yawˬ˗ahˇ duˇ˗eu byaˬ zaw˗eu jeˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Saˇ pawˇ yaw tiˇ deuˬ zaw ngeh, aˬ jeˬ jeˇ shaˬ˗eu nga?

• Byaˬ yawˬ˗ahˇ duˇ˗eu byaˬ heu jeˬ, jaˬ lehˇ lehˇ ma baw gaˇ ya tahˬ puˬ ngeh aˬ joˆ˗ehˇ jahˇ˗eu nga?

• Mehˬ hu paw tsawˇ haˬ deuˬ byaˬ˗ahˇ neh aˬ jeˬ dzaw geuꞈ nya˗eu nga?

Nawˬ˗euˬ jawˇ kʼahˬ˗ahˇ Yeˬhawˇbaˬ˗euˬ zaˬ siˬ nui gahˇ nehˬ˗ehˇ taꞈ leˇ˗awˇ, aˬ jeˬ jeˇ mawˇ laˇ nya?