Zaˬ guˬ deuˬ, aˬ da aˬ ma nehˬ˗ehˇ bya cehˆ ni ngehˬ cawˬ

Nawˇ aˬ jeˬ miˇ neh aˬ da aˬ ma nehˬ˗ehˇ bya cehˆ ni ngehˬ cawˬ paˬ˗ehˇ gʼeh˗eu nga? (Dawˬdaˬ 23:26) Zaˬ deuˬ˗ahˇ ngehˬ gʼeh˗awˇ mehˬ nehˬ tsoˆ nehˬ lehˇ Yeˬhawˇbaˬ neh aˬ da aˬ ma deuˬ˗ahˇ gaˇ biꞈ taˬ˗euˬ miˇ neh meh. (Ja ceuˬ 127:3, 4) Nawˇ aˬ jeˬ jeˇ˗euˬ gaˇ kawˆ˗ahˇ kʼahˬ lahˇ luꞈ˗eu lehˇ aˬ da aˬ ma˗ahˇ maˬ ehˇ nehˬ naˇ, aˬ yawꞈ nyaꞈ nawˬ˗ahˇ maˬ caw ba nehˬ nya˗eu uˬ taꞈ, aˬ yawꞈ nyaꞈ neh ya puˬ ya mawˇ haw laꞈ˗euˬ jeˬ˗ahˇ neh jiˇ maˬ dzaw geuꞈ nya˗a. Toˆ˗ehˇ naˇ, nawˇ aˬ da aˬ ma˗ahˇ yawˬ jeˬ na luꞈ maˬ ehˇ nehˬ˗eu heu yaw lehˬ jeˬ pyeuꞈ ngaˇ laˬ? Aˬ yawꞈ nyaꞈ˗ahˇ jaˬ myawꞈ maˬ myawꞈ naˇ, teu loꞈ˗ehˇ tehꞈ jiˇ maˬ ngeuˇ˗a.—Dawˬdaˬ 3:32.

Nawˇ aˬ da aˬ ma nehˬ˗ehˇ aˬ joˆ˗ehˇ ngehˬ cawˬ nya˗eu nga? Aˬ yawꞈ nyaꞈ nehˬ˗ehˇ aˬ geu ngeh, ngehˬ cawˬ nya paˬ˗ehˇ gʼeh nga lehˇ ya haw˗eu meh. Toˆ˗ehˇ jahˇ˗eu yaw shaˬ naˇ jiˇ, nawˬ˗euˬ nui ma laꞈ kʼoeˇ pyeuꞈ luꞈ˗eu jeˬ sahˬ boꞈ boꞈ˗awˇ neh jiˇ ehˇ nehˬ nya meh. Nawˇ maˬ ngehˬ mawꞈ˗euˬ gaˇ kawˆ˗ahˇ naˇ haˬ laˇ naˇ tawˇ neh? Aˬ yawꞈ nyaꞈ nawˬ˗ahˇ caw ba mawꞈ˗eu miˇ nga lehˇ ya noeˬ taˬ˗eu meh. Aˬ da aˬ ma nawˬ˗ahˇ muiˇ˗eu gʼaˬ maˬ ngeuˇ˗a, nawˬ˗euˬ muiˬ dui dui˗eu cawˬ pyeuꞈ meh. Nawˇ aˬ da aˬ ma nehˬ˗ehˇ ngehˬ cawˬ˗eu leh jeh naˇ, nymˬ˗mˇ tehꞈ maˬ ngeuˇ˗eu mehˬ hu paw jiˇ gaˇ dahˇ tsoeˬ˗eu jeˬ za˗eu meh.—Dawˬdaˬ 4:10-12.

Zaˬ guˬ deuˬ˗euˬ dehꞈ ziˇ—Ngaˬ da ngaˬ ma nehˬ˗ehˇ aˬ joˆ˗ehˇ ngehˬ cawˬ paˬ nga? lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Iˇsaˬtaˆ hawˇ˗eu Paˇtiˬ˗ahˇ maˇ diˇ naˇ aˬ yawꞈ nyaꞈ aˬ joˆ˗ehˇ gʼeh˗eu tsawˇ haˬ pyeuꞈ˗eu lehˇ aˬ joˆ˗ehˇ siˬ leˇ˗euˬ nga?

• 

  Nawˇ Yeˬsuˇ˗ahˇ neh aˬ jeˬ ya dzaw geuꞈ leˬ?

• 

  Aˬ da aˬ ma deuˬ nawˬ˗ahˇ kʼahˬ lahˇ˗eu lehˇ aˬ joˆ˗ehˇ mˇ doˆ laꞈ˗euˬ nga?

• 

  Aˬ da aˬ ma nehˬ˗ehˇ ngehˬ cawˬ nya ni, nawˬ˗ahˇ caw ba nehˬ˗eu Jaˇliꞈ zahˇ aˬ geu deuˬ nga?